ប្រយ័ត្នបំផុត! រុក្ខជាតិប្រភេទនេះ មានជាតិពុលយ៉ាងសាហាវ អាចសម្លាប់ជីវិតមនុស្សបាន
- 2017-06-07 06:50:46
- ចំនួនមតិ 0 | ចំនួនចែករំលែក 0
ប្រយ័ត្នបំផុត! រុក្ខជាតិប្រភេទនេះ មានជាតិពុលយ៉ាងសាហាវ អាចសម្លាប់ជីវិតមនុស្សបាន
ចន្លោះមិនឃើញ
រុក្ខជាតិម្យ៉ាងឈ្មោះថា Dieffenbachia ឬ ប្រទាលម្យ៉ាង ដែលត្រូវបានប្រជាពលរដ្ឋ និយមដាំ ដើម្បីលម្អលំនៅឋាននោះ គឺអាចបង្កគ្រោះថ្នាក់ដល់អាយុជីវិត ជាពិសេសកុមារតូចៗ ប្រសិនបើទៅប៉ះពាល់ ឬយកទៅដាក់ក្នុងមាត់នឹងបណ្ដាលឱ្យស្លាប់ភ្លាមៗមួយរំពេច។ នេះបើតាមការឱ្យដឹងពី លោក ច័ន្ទ រស្មី និស្សិតផ្នែកកសិកម្មបានសិក្សាពីសារធាតុពុលរបស់រុក្ខជាតិប្រភេទនេះ។
និស្សិតផ្នែកកសិកម្មរូបនេះ បន្ថែមទៀតថា រុក្ខជាតិនេះ មានសារធាតុពុលម្យ៉ាងអាចបង្កឱ្យមានគ្រោះថ្នាក់ដល់ជីវិតប្រសិនបើជាតិពុលនោះទៅប៉ះជាមួយនឹងស្បែកមានស្នាមរបួស ឬ ចូលភ្នែក នោះនឹងធ្វើឱ្យហើម ហើយប្រតិកម្មភ្លាមៗតែម្ដង។
បន្ថែមលើពីនេះទៀតតាមរយៈបទពិសោធន៍ និងការដឹងតៗគ្នាពីប្រជាពលរដ្ឋ បានប្រាប់ទៀតថា ហាមកូនចៅទៅប៉ះ ឬទៅលេងរុក្ខជាតិប្រភេទនេះដាច់ខាត ជាពិសេសក្មេងក្រោមអាយុ ១៥ឆ្នាំ។ មិនត្រឹមតែប៉ុណ្ណោះមានប្រជាពលរដ្ឋខ្លះហៅវាថា ជាពេជ្ឈឃាដសម្លាប់ជីវិតមនុស្សទៀតផង។ ដូច្នេះហើយសូមបងប្អូនប្រុងប្រយ័ត្នទាំងអស់គ្នា ជាពិសេសកុមារតូចៗ ដើម្បីជៀសផុតពីគ្រោះថ្នាក់ជាយថាហេតុ៕