គ្រូកម្ពុជាថា ស្អែកក្រុមទាំងពីរមិនផ្ដោតសំខាន់លើលទ្ធផលល្អពេកទេ
- 2017-06-07 07:16:59
- ចំនួនមតិ 0 | ចំនួនចែករំលែក 0
គ្រូកម្ពុជាថា ស្អែកក្រុមទាំងពីរមិនផ្ដោតសំខាន់លើលទ្ធផលល្អពេកទេ
ចន្លោះមិនឃើញ
លោក Leonardo Vitorino គ្រូបង្វឹកក្រុមជម្រើសជាតិកម្ពុជាលើកឡើងថា ក្រុមរបស់លោក នឹងឥណ្ឌូណេស៊ី មិនផ្ដោតសំខាន់ទៅលើលទ្ធផលល្អពេកទេ គោលដៅសំខាន់គឺរៀបចំទម្រង់លេងថ្មីមួយ ឲ្យបានល្អសម្រាប់ត្រៀមប្រកួតផ្លូវការ។
គ្រូបង្វឹករូបនេះបានឲ្យដឹងថា ការប្រកួតផ្លូវការរបស់កម្ពុជាប៉ះក្រុម អាហ្វហ្គានីស្ថាន នៅថ្ងៃទី១៣ ខែមិថុនា ឆ្នាំ២០១៧ ខាងមុខនេះ។ ក្រុមរបស់លោកធ្វើការប្រកួតមិត្តភាពនេះគឺមិនផ្ដោតសំខាន់តែរឿងលទ្ធផលល្អទេ គឺចង់បានទម្រង់លេងល្អនិងខ្លាំងមួយ ដើម្បីត្រៀមប្រកួតសំខាន់បន្ទាប់។
លោកបន្ថែមថា សម្រាប់ក្រុមឥណ្ឌូណេស៊ីក៏ដូចគ្នាមិនគិតទៅលើលទ្ធផលល្អពេកទេ គឺពួកគេកំពុងត្រៀមរៀបចំប្រព័ន្ធលេងថ្មីមួយរបស់ក្រុមយុវជនក្រោមអាយុ២២ឆ្នាំ ដើម្បីត្រៀមស៊ីហ្គេមនៅខែសីហា។ ដូចដែលបានឃើញស្រាប់ គឺពួកគេបាននាំយកកីឡាករល្អ មានបទពិសោធច្រើនត្រឹម ៥ រូបប៉ុណ្ណោះ ដើម្បីមកជួបកម្ពុជាក្នុងជំនួបមិត្តភាពនេះ។
ការប្រកួតមិត្តភាពអន្តរជាតិស្អែកនេះ នឹងធ្វើឡើងវេលាម៉ោង ៦:៣០ នាទីនៅពហុកីឡដ្ឋានជាតិ ដែលមានការផ្សាយផ្ទាល់តាមរយៈទូរទស្សន៍ BTV៕