ស្ត្រីអាមេរិកសម្រាលបានកូនទម្ងន់ជាង ៦គីឡូក្រាម ដ៏កម្របានឃើញ

2017-06-08 02:24:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីមកពីរដ្ឋផ្លរីដា សហរដ្ឋអាមេរិកម្នាក់ បានសម្រាលកូនស្រីទម្ងន់ប្រមាណ ៦,១គីឡូក្រាម គឺស្ទើរតែធំជាង ២ដងនៃទម្ងន់កុមារធម្មតាទៅហើយនៅមជ្ឈមណ្ឌល Orange Park Medical Center ក្នុងរដ្ឋផ្លរីដា។

នៅពេលកំពុងសម្រាលក្នុងបន្ទប់វះកាត់ អ្នកស្រីបានឮកូនស្រីខ្លួនសើច ធ្វើឲ្យអ្នកស្រីចង់មើលមុខកូនខ្លាំង។ ទោះបីជាកូនធំខុសគេ អ្នកស្រី Chrissy នៅតែស្រលាញ់កូន និងបានទិញឈុតស្អាតៗឲ្យនាងទៀតផង។ ក្នុងកំណើតកូនស្រី Carleigh នេះ បានធ្វើឲ្យម្ដាយគិតថា ខ្លួនមានកូនភ្លោះ តែក្រោយពេលឆ្លុះគ្រូពេទ្យប្រាប់ថា ជាកូនស្រីថ្លោសធំម្នាក់។

គ្រូពេទ្យអះអាងថា កូនស្រីខាងលើនឹងឡើងទម្ងន់បន្ថែមទៀតនៅប្រមាណមួយសប្ដាហ៍ក្រោយ និងស្មើទម្ងន់ក្មេងទើបកើតធំបំផុតនៅអាមេរិកក្នុងឆ្នាំ ២០១៧។ មកទល់ពេលនេះទាំងកូន និងម្ដាយមានសុខភាពល្អប្រសើរធម្មតាទេ៕