ដាវ និងកាំបិត ដាក់លក់ព្រោងព្រាតនៅឥណ្ឌា ព្រោះអ្នកទិញជឿថា វិញ្ញាណស្ដេចសណ្ឋិត
- 2017-06-08 07:10:19
- ចំនួនមតិ 0 | ចំនួនចែករំលែក 0
ដាវ និងកាំបិត ដាក់លក់ព្រោងព្រាតនៅឥណ្ឌា ព្រោះអ្នកទិញជឿថា វិញ្ញាណស្ដេចសណ្ឋិត
ចន្លោះមិនឃើញ
ដាវ និងកាំបិត គ្រប់ប្រភេទ គ្រប់ម៉ូដ មានទាំងតូច និងធំ បានដាក់លក់ព្រោងព្រាតតាមតំបន់មួយចំនួនក្នុងប្រទេសឥណ្ឌា ដោយសារអ្នកទិញភាគច្រើន គិតថាមានវិញ្ញាណ ឬបារមី អតីតស្ដេចជំនាន់មុនសណ្ឋិត។
ដាវដែលដាក់លក់ មានតម្លៃចាប់ពី ១ដុល្លារ រហូតដល់រាប់រយដុល្លារ ទៅតាមទំហំ និងវត្ថុធាតុដើម។ ដាវខ្លះ មានឆ្លាក់ឈ្មោះព្រះមហាក្សត្រជំនាន់មុន ដែលប្រជាជនឥណ្ឌាគោរពបំផុត ព្រោះបានច្បាំងឈ្នះរហូតបន្សល់ទឹកដីឥណ្ឌាយ៉ាងធំដូចសព្វថ្ងៃ។ ប្រជាជនឥណ្ឌាខ្លះថែមទាំងដាក់ដាវនោះតាមខ្លួន ព្រោះគិតថាអាចជួយឲ្យចៀសឆ្ងាយពីសត្រូវនានា។
គេហទំព័រ Sword History បានបង្ហាញថា ដាវនីមួយៗមានរូបរាងខុសៗគ្នា និងមានប្រវត្តិច្បាស់លាស់ទៅតាមសម័យកាលនៃស្ដេចគ្រងរាជ្យ។ អ្វីដែលជាចំណុចប្លែកខុសគេនោះ គឺដាវឥណ្ឌា សុទ្ធតែកោង ខុសពីដាវនៅអឺរ៉ុបដែលមានសណ្ឋានត្រង់។ ចំណុចនេះ លោក Sarkar ដែលជាអ្នកលក់ដាវនៅប្រាសាទ Goldent Temple បានបញ្ជាក់ថា ដោយសារបុព្វបុរសឥណ្ឌា គិតថាដាវកោង មុតជាង ស្រាលជាង ងាយស្រួលកាន់ និងអាចប្រយុទ្ធបានរហ័សជាង៕