ពូទីន បង្ហើបពីអនាគតរវាងរុស្ស៊ី និងអាមេរិក (វីដេអូ)

2017-06-10 05:11:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពូទីន បង្ហើបពីអនាគតរវាងរុស្ស៊ី និងអាមេរិក

ប្រធានាធិបតីរុស្ស៊ី លោក វ្ល៉ាទីមៀរ ពូទីន អះអាងថា អនាគត រុស្ស៊ី និងអាមេរិក នឹងចាប់ដៃគ្នា ដើម្បីដោះស្រាយបញ្ហាប្រឈមលើពិភពលោក ផ្ទុយនឹងការអះអាងរបស់លោក John McCain សមាជិកព្រឹទ្ធសភាអាមេរិក ដែលធ្លាប់អះអាងថា រុស្ស៊ី ជាសត្រូវដ៏គួរឲ្យខ្លាច។

ការបង្ហើបពីសំណាក់បុរសមានឥទ្ធិពលបំផុតនៅរុស្ស៊ីរូបនេះ ធ្វើឡើងក្នុងកិច្ចសម្ភាសន៍ពិសេសមួយ ជាមួយផលិតករភាពយន្តអាមេរិក លោក Oliver Stone អំឡុងខែកុម្ភៈកន្លងទៅ ដើម្បីចងក្រងជាវីដេអូឯកសារមួយមានចំណងជើង The Putin Interviews ទើបចាក់ផ្សាយជាផ្លូវការកាលពីថ្ងៃព្រហស្បតិ៍កន្លងទៅ។

ទីក្រុងព្យុងយ៉ាង អភិវឌ្ឍន៍គ្រាប់មីស៊ីលទំនើបបំផុតដើម្បីកម្ទេចនាវាចម្បាំងយក្សសត្រូវ

កូរ៉េខាងជើង កាលព្រឹកថ្ងៃព្រហស្បតិ៍ បានបាញ់សាកល្បងគ្រាប់មីស៊ីលប្រភេទថ្មីមួយទៀតជាច្រើនគ្រាប់ ពីតំបន់ដីគោកទៅកាន់នាវាលើដែនសមុទ្រ ដែលគេជឿថា ជាបច្ចេកវិទ្យាមីស៊ីលកម្រិតខ្ពស់ អភិវឌ្ឍន៍ឡើង ដើម្បីឆ្លើយតបទៅនឹងសមយុទ្ធលើផ្ទៃទឹករួមគ្នា រវាងកូរ៉េខាងត្បូង និងសហរដ្ឋអាមេរិក នាពេលកន្លងមក។

ការបាញ់សាកល្បងមីស៊ីលប្រភេទថ្មីនេះ ធ្វើឲ្យកូរ៉េខាងត្បូង និងជប៉ុន ខឹងសម្បារជាខ្លាំង ហើយប្រទេសសម្ពន្ធមិត្តជិតស្និទ្ធរបស់អាមេរិកទាំងពីរ បានអះអាងដូចគ្នាថា មីស៊ីលរបស់កូរ៉េខាងជើងថ្មីនេះ គឺបំពាក់បច្ចេកវិទ្យាកម្រិតកំពូល អភិវឌ្ឍន៍ឡើងក្នុងគោលដៅ វាយប្រហារនាវាចំបាំងលើផ្ទៃទឹក ហើយត្រូវគេសន្និដ្ឋានគោលដៅតែមួយគត់ គឺវាយប្រហារនាវាចម្បាំងយក្សអាមេរិក ដែលបានចតក្នុងទឹកដីកូរ៉េខាងត្បូងកាលពីពេលថ្មីៗនេះ។

នេះជាការបាញ់សាកល្បងសរុបលើកទី១០ ពីសំណាក់រដ្ឋាភិបាលក្រុងព្យុងយ៉ាង ក្នុងរយៈពេលប៉ុន្មានខែដើមឆ្នាំ២០១៧នេះ។

ជប៉ុនអនុម័តច្បាប់ថ្មី ឲ្យព្រះចៅអធិរាជ Akihito ដាក់រាជ្យ

ព្រះចៅអធិរាជ Akihito

ជប៉ុននឹងចាប់ផ្ដើមបង្កើតប្រវត្តិសាស្ត្រថ្មី លើច្បាប់រាជវង្ស និងការស្នងរាជ្យ ដែលអនុវត្តជិត២០០រយឆ្នាំកន្លងមក បន្ទាប់ពីសភាជាតិ កាលពីថ្ងៃទី៩ មិថុនា សម្រេចអនុម័តច្បាប់ថ្មី ត្រួសត្រាយផ្លូវឲ្យព្រះចៅអធិរាជ Akihito អាចដាក់រាជ្យ មុខចូលទិវង្គត។

ការសម្រេចជាឯកច្ឆន្ទពីសំណាក់អង្គសភាជប៉ុន ធ្វើឡើងកាលពីព្រឹកថ្ងៃសុក្រសប្ដាហ៍នេះ ក្នុងសម្លេងគាំទ្រ ២៣៥ ពេញ ដោយមិនមានសមាជិកសភារូបណា ជំទាស់ច្បាប់ថ្មីនេះឡើយ។

ច្បាប់ថ្មី នឹងអនុញ្ញាតឲ្យព្រះចៅអភិរាជជប៉ុន ដែលពេលនេះព្រះអង្គមានព្រះជន្ម ៨៣ព្រះវស្សាហើយនោះ អាចដាក់រាជសម្បត្តិជាផ្លូវការ និងផ្ទេររាជបល្ល័ង្កជូនរាជទាយាទ ព្រះអង្គម្ចាស់ Naruhito ហើយព្រះអង្គអាចនឹងឡើងសោយរាជ្យ ជាព្រះចៅអធិរាជថ្មីរបស់ជប៉ុន យ៉ាងយូរបំផុតនាចុងឆ្នាំក្រោយ ដោយសារត្រូវរង់ចាំព្រះចៅអធិរាជ Akihito អបអរគម្រប់៣០ឆ្នាំ នៃការគ្រងរាជសម្បត្តិរបស់ទ្រង់ ដែលនឹងចូលមកដល់ នាចុងឆ្នាំ២០១៨ខាងមុខ។

តាមដានព័ត៌មានលំអិត (ដាក់វីដេអូ)

អត្ថបទ៖ ៣០ដេលី