ថ្នាំដុសធ្មេញអប្សរាខ្មែរ អតិថិជននៅកាណាដាគ្រោងយកសិទ្ធិផ្ដាច់មុខទៅលក់បន្ត

2017-06-13 02:49:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្នាំដុសធ្មេញ«អប្សរា»ដែលផលិតដោយកូនខ្មែរនៅខេត្តកំពង់ស្ពឺកំពុងទទួលបានការចាប់អារម្មណ៍ខ្លាំងពីអតិថិជនជាតិ និងអន្តរជាតិ ជាពិសេសអតិថិជននៅប្រទេសកាណាដាកំពុងចាប់អារម្មណ៍ទិញសិទ្ធិផ្តាច់មុខទៅចែកចាយនៅកាណាដា។

លោកស្រី សៅ សុភាព ម្ចាស់សហគ្រាស នគររីករាយថា សហគ្រាសរបស់លោកស្រីបានចាប់ផ្តើមដំណើរការផលិតតាំងពីឆ្នាំ២០១១។ បច្ចុប្បន្នអតិថិជននៅក្នុងស្រុកកំពុងទទួលស្គាល់ និងចាប់អារម្មណ៍ថ្នាំដុះធ្មេញអប្សរា។ រហូតដល់ពេលនេះ សហគ្រាសរបស់លោកស្រីបាននាំយកទៅលក់នៅប្រទេសចិន និងប្រទេសវៀតណាម ព្រមទាំងមានគម្រោងយកទៅលក់នៅទ្វីបអឺរ៉ុប។

លោកស្រីបានទម្លាយឲ្យដឹងថា កាន់តែពិសេសទៀតនោះ អតិថិជននៅប្រទេសកាណាដាកំពុងចាប់អារម្មណ៍ និងចង់ទិញសិទ្ធិផ្តាច់មុខយកទៅចែកចាយនៅប្រទេសកាណាដា។ នេះជាដំណឹងដ៏ល្អសម្រាប់សហគ្រាសរបស់លោកស្រីដែលកាន់តែមានទីផ្សារទាំងក្នុងស្រុក និងក្រៅប្រទេស។

សហគ្រាសនគររីករាយដែលស្ថិតនៅខេត្តកំពង់ស្ពឺបានកំពុងផលិតផលិតផលជាច្រើនដូចជា សាប៊ូកក់សក់ សាប៊ូដុសខ្លួន និងសាប៊ូលាងសម្អាតប្រើនៅផ្ទះបាយជាដើម៕