ស៊ន សៀវម៉ី ប្រកួតនៅកូរ៉េសង្ឃឹម៥០% ព្រោះមានជើងខ្លាំងមកពីអឺរ៉ុបច្រើន
- 2017-06-13 03:02:12
- ចំនួនមតិ 0 | ចំនួនចែករំលែក 0
ស៊ន សៀវម៉ី ប្រកួតនៅកូរ៉េសង្ឃឹម៥០% ព្រោះមានជើងខ្លាំងមកពីអឺរ៉ុបច្រើន
ចន្លោះមិនឃើញ
កីឡាការិនីឆ្នើមនិងធ្លាប់ឈ្នះមេដាយលើឆាកអន្តរជាតិបានច្រើនគ្រឿង ស៊ន សៀវម៉ី ថាការចេញទៅប្រកួតកម្មវិធី 2017 MUJU Championships នៅប្រទេសកូរ៉េនាចុងខែមិថុនា ឆ្នាំ២០១៧ នេះមិនសូវហ៊ានសង្ឃឹមច្រើននោះទេព្រោះមានជើងខ្លាំងមកអឺរ៉ុបច្រើន។
កញ្ញា ស៊ន សៀវម៉ី បានលើកឡើងថា 2017 MUJU Championships ជាព្រឹត្តិការណ៍ធំមួយដែលមានទៅដល់ ១៨១ ប្រទេសចូលរួម ហើយនិងត្រូវប្រហែលជា ១៦០០នាក់ ធ្វើការប្រកួតប្រជែងយកមេដាយ ដូចនេះវាជាការប្រកួតប្រជែងមួយដ៏លំបាកមួយ។ ណាមួយក្នុងប្រភេទទម្ងន់របស់កញ្ញាមានកីឡាការិនីប្រហែលពី ៣០ ទៅ ៥០ នាក់ ដែលត្រូវចូលរួម កាលណាមានគ្នាច្រើនដូចនេះការប្រកួតត្រូវធ្វើច្រើនដង ហេតុនេះហើយ សៀវម៉ី បារម្ភត្រង់ចំណុចកម្លាំងនេះផងដែរ។
ម្ចាស់មេដាយប្រាក់តេក្វាន់ដូទ្វីបអាស៊ីរូបនេះបន្តទៀតថា ការប្រកួតលក្ខណៈពិភពលោកដូចនេះ មានកីឡាការិនីច្រើន ហើយអ្នកខ្លះមានកម្ពស់ខ្ពស់ជាងខ្លួនទៀតផង បើនិយាយពីតិចនិកប្រកួតវិញ កញ្ញាគិតថា ត្រឹមកីឡាការិនីអាស៊ីមិនអាចទាន់អាចប្រៀបធៀបជាមួយនិងពួកអឺរ៉ុបបានឡើយ។ ទោះជាមើលឃើញថា មានការលំបាកច្រើនយ៉ាងនេះក៏ ស៊ន សៀវម៉ី មិនអស់សង្ឃឹមនោះឡើយ ហើយសន្យាថានឹងខំប្រឹងឲ្យខ្លាំងបំផុតក្នុងការប្រកួតមួយនេះ។
នេះជាលើកទី២ សម្រាប់កីឡាការិនី ស៊ន សៀវម៉ី បានចូលរួមព្រឹត្តិការណ៍កម្រិតពិភពលោកដូចនេះ កញ្ញានឹងតំណាងឲ្យប្រទេសកម្ពុជាចេញទៅប្រកួតក្នុងកម្មវិធី 2017 MUJU Championships ឯប្រទេសកូរ៉េ ហើយកម្មវិធីនេះចាប់ផ្ដើមពីថ្ងៃទី ២៤ ដល់ ៣០ មិថុនា ឆ្នាំ២០១៧ខាងមុខនេះ៕