អាស្រមម៉ែជ័យតាដុង នៅឃុំស្រែរនោង ខេត្តតាកែវ មានបារមី ប្រាថ្នាអ្វីបានតាមបំណង?
- 2017-06-13 03:24:33
- ចំនួនមតិ 0 | ចំនួនចែករំលែក 0
អាស្រមម៉ែជ័យតាដុង នៅឃុំស្រែរនោង ខេត្តតាកែវ មានបារមី ប្រាថ្នាអ្វីបានតាមបំណង?
ចន្លោះមិនឃើញ
អាស្រមម៉ែជ័យ (យាយជ័យ) តាដុងនៅភូមិត្រពាំងថ្នល់ ឃុំស្រែរនោង ស្រុកត្រាំកក់ ខេត្តតាកែវ ល្បីថា មានបារមីខ្លាំងអាចបន់ស្រន់សុំពរជ័យបានតាមបំណងប្រាថ្នា។
លោក អេង ប៊ុនធឿន អាយុ ៥៣ ឆ្នាំ ជាឆ្មាំប្រចាំការនៅអាស្រមនេះប្រាប់ Sabay ថា ទីនេះគេនិយមហៅម៉ែជ័យតាដុង មានបារមីខ្លាំងណាស់កន្លងមកមានភ្ញៀវមកពីទីជិតឆ្ងាយតែងតែមកបន់ស្រន់ជាហូរហែហើយកាលពីប៉ុន្មានខែមុនភ្ញៀវម្នាក់មកតាំងពីភ្នំពេញ ដើម្បីមកលាបំណន់ព្រោះគាត់បានសម្រេចបំណងដែលក្រោយពីបន់ទៅអ្នកជំពាក់លុយគាត់សងវិញទាំងអស់។
ប្រភពខាងលើបន្តថា ក្រៅនេះយើងអាចប្រាថ្នាអ្វីក៏បានដូចជាចង់អោយមុខរបររកស៊ីកាក់កបឬចង់អោយសម្រេចក្ដីប្រាថ្នាក្នុងការងារជាដើម។ ជាក់ស្តែងដូចជា លោកប្រធានម្ចាស់ទីតាំងវត្តប្រាសាទសួគ៌ានេះជាដើម សុទ្ធតែបានសម្រេចបំណងរកស៊ីមានបានដោយសារតែធ្លាប់មកបន់ស្រន់នៅទីនេះទាំងអស់។
”ទីកន្លែងអាស្រមនេះពីមុនមកសុទ្ធតែព្រៃសំបូរខ្លាជ្រូកព្រៃ និងសត្វច្រើនប្រភេទណាស់ពុំសូវមានអ្នកហ៊ានចូលទេ។ សូម្បីតែដើមស្វាយព្រៃមួយដើមនេះមានអាយុប្រមាណ ១០០ឆ្នាំហើយ តាំងពីជំនាន់លោកយាយខ្ញុំនៅតូចៗម្លេះ” ។លោកធឿននិយាយ។
រីឯលោកអាចារ្យ ហេង រស់ បញ្ជាក់បន្ថែមថា តួអង្គម៉ែជ័យតាដុងនេះមានប្រវត្តិទាក់ទងនឹងទឹកដីឃុំស្រែរនោង ក្នុងបទកន្ទែលទ្រាំង [..អាវ៉ាចៅតាផ្លូវណាទៅទ្រាំងទៅវាំងទម្លុះផ្លូវណាទៅគូសទៅស្រែរនោងជួយប្រាប់តាផងទៅអោយទាន់ការ..] ច្រៀងក្នុងពិធីបន្ថយស្ពកដែលរៀបរាប់ពីលោកទាំងពីរធ្វើដំណើរមកពីឆ្ងាយ ដើម្បីចូលរួមពិធីមង្គលការកូនស្រីរបស់គាត់គឺនាងត្រចើលដោះក្រាលហើយវង្វេងផ្លូវនៅម្ដុំអាស្រមនេះ។
អានបន្ដ
ត្រណម២ ត្រូវអនុវត្តក្នុងពេលបុណ្យចូលឆ្នាំខ្មែរ រយៈពេល៣ថ្ងៃ
ទីក្រុងចិនហាមឃាត់ប្រពៃណីដុតលុយខ្មោចមានជាង ៣ ០០០ឆ្នាំហើយ ក្រោមហេតុផលមួយ
៣យ៉ាងដាច់ខាតត្រូវធ្វើតាម ក្រោយសង់ផ្ទះរួច ដើម្បីគ្រួសាររស់នៅមានសេចក្ដីសុខ