សាលារៀនមួយនៅស្កុតលេនមានសិស្សតែ២នាក់ ប្រកាសរើសគ្រូប្រាក់ខែជាង៥ពាន់ដុល្លារ

2017-06-13 03:21:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្របជាមួយការប្រកួតខ្លាំង ការរកការងារទម្រាំបានមួយៗ គឺពិតជាលំបាក។ ប៉ុន្តែសម្រាប់សាលារៀនមួយនៅក្នុងប្រទេសស្កុតលេន កំពុងប្រកាសស្វែងរកគ្រូបង្រៀនក្នុងសាលាដាច់ស្រយាលមួយ ហើយប្រាក់ខែគឺខ្ពស់ដែលមនុស្សភាគច្រើនមិនអាចនឹងមិនចាប់អារម្មណ៍បាន។

សាលារៀននៅលើកោះមួយឈ្មោះសាលា Foula មានចម្ងាយប្រមាណ ៣២គីឡូម៉ែត្រពីប្រជុំកោះ Shetland ប្រទេសស្កុតលេន ហ៊ានផ្ដល់ប្រាក់ឈ្នួលសម្រាប់គ្រូដែលមានបំណងចង់មកបង្រៀននៅទីនេះដល់ទៅ ៦៣ ៤០០ដុល្លារក្នុងមួយឆ្នាំ គឺប្រហែលជាង៥ពាន់ដុល្លារក្នុងមួយខែ ដូចដែលបានបញ្ជាក់ក្នុងសេចក្ដីប្រកាសជ្រើសរើសបុគ្គលិក។

ដំណឹងប្រកាសរើសគ្រូបង្រៀននេះបានក្លាយជាឱកាសមាសសម្រាប់អ្នកកំពុងត្រូវការការងារ ប៉ុន្តែគេនៅមិនទាន់ដឹងច្បាស់ពីស្ថានភាពភូមិសាស្ត្រនៃសាលារៀននេះនៅឡើយ។ ក្រៅពីបង្រៀននិងរស់នៅលើកោះដ៏ឯកោ អ្នកដែលជាប់នឹងមានឱកាសបានភ្លក់រសជាតិជីវិតថ្មីៗ ដូចជា ការផ្ដាច់ថាមពលប្រើប្រាស់ ឬមានព្យុះភ្លៀងម្ដងម្កាល។ ក្នុងដំណឹងខាងលើ ខាងសាលាក៏ជួយរ៉ាប់រងថ្លៃផ្ទះជួលដែលមានគ្រែ៣ផងដែរ បានន័យថា គ្រូបង្រៀនដែលជាប់អាចយកគ្រួសារ ឬអ្នកណាមករស់នៅជាមួយក៏បាន ឱ្យតែពួកគេអាចនៅបាន។

អ្នកគ្រូម្នាក់ឈ្មោះ Jayne Smith ជាអតីតគ្រូបង្រៀននៅសាលានោះបានប្រាប់ Radio Scotland របស់ BBC ថា ពេលវេលាដែលនាងបង្រៀននៅសាលា Foula គឺពិតជាអស្ចារ្យណាស់ ប៉ុន្តែនាងត្រូវឈប់បង្រៀននៅខែតុលានេះ ដោយសារនាងនឹកស្រុកកំណើត និងតំបន់ដីគោកពេក។ ប្រភពពី BBC បានឱ្យដឹងថា សព្វថ្ងៃ សាលា Foula មានសិស្សតែពីរនាក់ប៉ុណ្ណោះ តែម្នាក់ត្រូវឡើងថ្នាក់វិទ្យាល័យនៅចុងត្រីមាសនេះហើយ អ៊ីចឹងនៅសល់តែសិស្សម្នាក់គត់៕

ប្រភព៖ BBC ប្រែសម្រួល៖ សរ សុគន្ធី

ពាក្យទាក់ទង

ការអប់រំ និងការងារ ព័ត៌មានសង្គមអន្តរជាតិ

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

Dispatch ហែកកកាយទង្វើ Min Hee Jin ព្យាយាមក្ដោប NewJeans និងលាភសក្ការៈពី HYBE

ឥទ្ធិពលបទចម្រៀងថ្មីរបស់ Taylor ធ្វើឱ្យគូជម្លោះ Kim Kardashian ធ្លាក់ Follower រាប់សែននាក់

អត្ថបទថ្មី

ប្រព័ន្ធធារាសាស្រ្តនៅខេត្តចំនួន៥ កំពុងត្រូវបានជួសជុលថែទាំ

គ្រូ Man Utd អាចនឹងកាត់ប្រាក់ខែ ប្រសិនបើក្លឹបអត់បានលេង UCL រដូវកាលក្រោយ

ទស្សនាការសម្ដែងក្បាច់គុនសៅលីញដ៏កម្រលើទឹកដីសៀមរាប

Neymar នៅតែរក្សាកំណត់ត្រាខ្សែប្រយុទ្ធមានតម្លៃខ្លួនខ្ពស់បំផុត ក្នុងប្រវត្តិសាស្ត្រដោះដូរកីឡាករ

Arteta សរសើរ Kai Havertz មិនដាច់ពីមាត់ក្រោយ Arsenal ឈ្នះ Chelsea ៥-០

ជៀសវាងជួបបញ្ហាដដែរៗ សុរ៉ាវឌ្ឍី បង្ហាញមុខបុគ្គល៥នាក់ ដែលអាចមានសិទ្ធផាត់មុខឱ្យខ្លួន