ម្យ៉ាងដែរ! តារា២រូបដាក់លក់សំលៀកបំពាក់ដែលធ្លាប់ប្រើហើយក្នុងតម្លៃថោកៗ

2017-06-13 04:17:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពដដែលៗគឺជាសត្រូវរបស់ចក្ខុ នេះជាសម្ដីដែលអ្នកសិល្បៈខ្មែរភាគច្រើនចូលចិត្តនិយាយ និងអនុវត្ត។ ដូច្នេះហើយទើបបានជាពួកគេតែងរិះរកគំនិតថ្មីៗក្នុងការស្លៀកពាក់ មិនឲ្យសាំ និងមើលទៅគួរឲ្យចាប់អារម្មណ៍។

ក្នុងនោះមានតារាស្រី២រូបដែលចូលចិត្តលេងស្ទីលតុបតែងខ្លួនប្លែកៗ ទើបធ្វើឲ្យពួកគេមានសំលៀកបំពាក់ច្រើនដល់ថ្នាក់ត្រូវលក់ចេញខ្លះ ក្នុងតម្លៃថោកៗទៀតផង។

សុភ័ក្រ កុសុម៉ា ប្រាប់ថា៖ "ដោយសារថតកម្មវិធីតម្រូវឲ្យស្លៀកខោអាវប្លែកៗរហូត ហើយខោអាវរបស់ខ្ញុំសុទ្ធតែទិញពាក់ខ្លួនឯង អត់មានជួល ឬទៅខ្ចីពីហាងគេមកពាក់ទេ ដល់យូរៗទៅហើយខោអាវហ្នឹងវាច្រើនទៅៗ ទើបចង់លក់ យកលុយមកបូកផ្សំទិញថ្មី នេះដើម្បីជាការសន្សំផង ហើយយើងបានខោអាវថ្មីប្លែកទៀត"។

ពិធីការនីកំពុងមានឈ្មោះបោះសំឡេងនេះបន្តថា អ្នកដែលភាគច្រើនអ្នកគាំទ្ររបស់នាងផ្ទាល់ ហើយមានអ្នកខ្លះមិនមែនស្រឡាញ់សំលៀកបំពាក់នាងទេ តែចង់ជួបនាងទើបកុម្ម៉ង់ទិញ។ ឯខ្លះទៀតស្រឡាញ់ការតែងខ្លួនរបស់នាងដល់ថ្នាក់ចូលមក comment ថា "លក់ឬអត់?” តាំងពីមុននាងដាក់លក់ម្ល៉េះ។

ងាកមក ស្រីស្អាត ណាណា វិញនាងប្រាប់ថាខែមុននាងបានរើខោអាវលក់ម្ដងហើយ និងថ្មីៗនេះនាងលក់ម្ដងទៀត ព្រោះខោអាវនាងមានចំនួនដោយសារនាងទិញស្ទើរតែរាល់ថ្ងៃ ហើយខោអាវទាំងនោះភាគច្រើននាងពាក់តែម្ដងៗប៉ុណ្ណោះ។

"ខ្ញុំជាមនុស្សដែលឆាប់សាំ ជាមួយខោអាវដដែលៗ អញ្ចឹងខ្ញុំទិញថ្មីស្ទើរតែរាល់ថ្ងៃ ហើយវាច្រើនពេកទើបចង់លក់ចេញខ្លះ"។ ណាណា ថ្លែង។

នាងបន្តថា ការដាក់លក់លើកនេះ អស់ហើយ ប្រហែលជា២ខែទៀតនាងរើយកមកលក់ទៀតហើយ។ ស្រីស្អាតរូបនេះបានបន្ថែបថា អតិថិជនរបស់នាងភាគច្រើនជាអ្នកគាំទ្រ និងមិត្តក្នុងហ្វេសប៊ុក ដែលស្រឡាញ់ការតុបតែងខ្លួនរបស់នាង។

អត្ថបទ៖ សុខណា