និស្សិតចិនធ្វើអត្តឃាត ដោយសារប្រលងមិនជាប់
- 2017-06-13 06:40:47
- ចំនួនមតិ 0 | ចំនួនចែករំលែក 0
និស្សិតចិនធ្វើអត្តឃាត ដោយសារប្រលងមិនជាប់
ចន្លោះមិនឃើញ
និស្សិតជនជាតិចិនម្នាក់បានរងសម្ពាធផ្លូវចិត្តធ្ងន់ធ្ងរ និងសម្រេចធ្វើអត្តឃាតលោតពីលើអគារខ្ពស់បន្ទាប់ពីប្រឡងចូលរៀនថ្នាក់មហាវិទ្យាល័យមិនទទួលបានជោគជ័យ។
ក្រោយបរាជ័យ ជនរងគ្រោះត្រូវគេបញ្ជូនឈ្មោះឲ្យចូលរៀនថ្នាក់វិទ្យាល័យសារឡើងវិញ ដើម្បីប្រលងចូលរៀនមហាវិទ្យាល័យម្ដងទៀត តែបែរជាគេគិតខ្លីជ្រើសរើសផ្លូវស្លាប់ទៅវិញ។
ជនរងគ្រោះត្រូវបានគេដឹងថា មានអាយុប្រមាណ ២១ ទៅ ២២ឆ្នាំ រស់នៅទីក្រុង Chaoyang ខេត្ត Liaoning។ បើតាមការរៀបរាប់របស់ឪពុកម្ដាយជនរងគ្រោះថា កូនរបស់គាត់ពិតជាបានកើតវិបត្តិផ្លូវចិត្តធ្ងន់ធ្ងរនៅពេលប្រលងពិតមែន។
ការប្រលងចូលរៀនថ្នាក់មហាវិទ្យាល័យរបស់យុវជនចិន គឺជាការប្រលងដ៏សំខាន់ដើម្បីកំណត់អនាគតរបស់ពួកគេ រហូតត្រូវរៀនបំប៉នជាច្រើនខែទុកមុន។ កាលពីសប្ដាហ៍មុន មានបេក្ខជនចូលរួមប្រឡងប្រមាណជាង ១០លាននាក់ ដែលជាការប្រកួតប្រជែងយ៉ាងស្វិតស្វាញមួយដើម្បីទទួលបានកៅអីចូលរៀន៕