ក្មេងប្រុសសុខចិត្តឈរ ដាក់ដៃឲ្យម្តាយកើយដេក នៅលើរថភ្លើង ធ្វើឲ្យគ្រប់គ្នារំជួលចិត្តខ្លាំង

2017-06-14 07:11:50
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបថតមួយសន្លឹក ដែលបង្ហាញឲ្យឃើញក្មេងប្រុសម្នាក់ ឈរដាក់ដៃឲ្យម្ដាយកើយដេកនៅលើរថភ្លើង បានធ្វើឲ្យអ្នកនិយមប្រើប្រាស់បណ្ដាញសង្គម នៅក្នុងប្រទេសចិន រំជួលចិត្តយ៉ាងខ្លាំង។

រូបថតខាងលើត្រូវបានថតនៅលើរថភ្លើង Chengdu Metro ខ្សែទី២ ស្ថិតនៅក្នុងទីក្រុង Chengdu ប្រទេសចិន បង្ហាញឲ្យឃើញក្មេងប្រុសដ៏កតញ្ញូនោះ សុខចិត្តឈរ និងដាក់ដៃធ្វើជាខ្នើយឲ្យម្ដាយ ដែលកំពុងតែដេកលង់លក់។

អ្នកដំណើរនៅលើរថភ្លើង ដែលបានឃើញទិដ្ឋភាពដ៏គួរឲ្យស្ញប់ស្ញែងនោះ បានប្រាប់ឲ្យដឹងថា ដំបូងឡើយ ក្មេងប្រុសរូបនោះបានអង្គុយ នៅក្បែរម្ដាយរបស់គេ ប៉ុន្តែបានងើបចេញ ដើម្បីទុកកៅអីឲ្យស្ត្រីម្នាក់ផ្សេងទៀត ដែលមានកូនតូច អង្គុយវិញ។

គួរបញ្ជាក់ថា រូបថតខាងលើ ត្រូវបានគេបង្ហោះទៅលើបណ្ដាញសង្គម Weibo ដោយមានអ្នកនិយមប្រើប្រាស់ បណ្ដាញសង្គមជាច្រើន សង្ឃឹមថាពួកគេនឹងមានកូនប្រុសបែបនេះដែរ នៅថ្ងៃណាមួយ ស្របពេលដែលអ្នកខ្លះទៀត ចង់បានក្មេងប្រុសនោះ មកធ្វើជាអនាគតកូនប្រសាទៀតផង៕

ប្រភព៖ Shanghaiist ប្រែសម្រួល៖ សេង ឡុង