និស្សិតអាមេរិកដែលកូរ៉េខាងជើងឃុំខ្លួន ត្រូវគ្រូពេទ្យរកឃើញមានរបួសខួរក្បាលធ្ងន់ធ្ងរ
- 2017-06-16 02:21:11
- ចំនួនមតិ 0 | ចំនួនចែករំលែក 0
និស្សិតអាមេរិកដែលកូរ៉េខាងជើងឃុំខ្លួន ត្រូវគ្រូពេទ្យរកឃើញមានរបួសខួរក្បាលធ្ងន់ធ្ងរ
ចន្លោះមិនឃើញ
និស្សិតអាមេរិកលោក Otto Warmbier ត្រូវបានកូរ៉េខាងជើងចាប់ខ្លួនដោយចោទថា បានលួចបដាឃោសនាផ្សព្វផ្សាយកាលពីឆ្នាំ ២០១៦ រួចកាត់ទោសឲ្យជាប់ពន្ធនាគាររយៈពេល ១៥ឆ្នាំ តែត្រូវបានដោះលែងវិញ។
បន្ទាប់ពីបញ្ជូនទៅប្រទេសកំណើតវិញ កាលពីថ្ងៃអង្គារ ក្រុមគ្រូពេទ្យអាមេរិកបានរកឃើញថា និស្សិតវ័យ ២២ឆ្នាំរូបនេះ មានរបួសផ្នែកខួរក្បាលធ្ងន់ធ្ងរដោយបាត់បង់កោសិកាខួរក្បាលយ៉ាងច្រើនគ្រប់ផ្នែកនានាក្នុងខួរក្បាល។ នេះបើតាមការអះអាងរបស់គ្រូពេទ្យសាកលវិទ្យាល័យ Cincinnati Medical Center ។
ទីក្រុងព្យុងយ៉ាង ធ្លាប់បញ្ជាក់ថា និស្សិត Otto Warmbier មានសភាពសឺៗ ភ្នែកធ្មេចបើកៗ ដោយសាររូបគេហូបអាហារខូច និងលេបថ្នាំងងុយដេក ក្រោយកាត់ទោស។ ប៉ុន្តែគ្រូពេទ្យមិនបានរកឃើញសញ្ញានៃការហូបអាហារខូច និងការធ្វើទារុណកម្មលើរាងកាយឡើយ។ ប្រភពដដែលជឿថា អាចបណ្ដាលមកពីការខ្វះអុកស៊ីហ្សែន និងឈាម ដែលធ្វើឲ្យខួរក្បាលទៅជាយ៉ាងនេះ។
ការដោះលែងនិស្សិតខាងលើធ្វើឡើង ក្រោយពីអតីតតារាបាល់បោះអាមេរិក លោក Dennis Rodman បានធ្វើទស្សនកិច្ចទៅប្រទេសកូរ៉េខាងជើង កាលពីថ្ងៃទី១៣ មិថុនា។ លោក Dennis Rodman គឺជាមនុស្សម្នាក់ ក្នុងចំណោមក្រុមការងារ ដែលបានជួបទាំងប្រធានាធិបតីអាមេរិក ដូណាល់ ត្រាំ និងមេដឹកនាំកូរ៉េខាងជើង គីម ជុនអ៊ុន។
ចំណែករដ្ឋមន្ត្រីការបរទេសអាមេរិក លោក Rex Tillerson បានបញ្ជាក់ថា ក្រសួងការបរទេសបានជួយឲ្យមានការដោះលែងនិស្សិត Otto Warmbier គឺជាគោលដៅរបស់ប្រធានាធិបតីអាមេរិក។ ពេល Warmbier បានទៅជួបជុំគ្រួសារវិញនៅរដ្ឋ Ohio គេមិនអាចនិយាយដូចធម្មតាបានឡើយ៕
ចុចអាន៖ កុមារី ៥ឆ្នាំ បរិច្ចាគប្រាក់ ៧៥០ដុល្លារតាមរយៈគូរគំនូរលក់ និងធ្លាប់បរិច្ចាគមកកម្ពុជាដែរ
ចុចអាន៖ តម្លៃស្រូវប្រទេសថៃ កើនឡើងដល់ជាង ៧០០ដុល្លារក្នុងមួយតោន