នួន បូរី ប្រាប់ចំណុចរីកចម្រើនក្រោយហាត់ជាមួយលោក Leo
- 2017-06-16 02:41:41
- ចំនួនមតិ 0 | ចំនួនចែករំលែក 0
នួន បូរី ប្រាប់ចំណុចរីកចម្រើនក្រោយហាត់ជាមួយលោក Leo
ចន្លោះមិនឃើញ
ខ្សែបម្រើជម្រើសជាតិ នួន បូរី ប្រាប់ពីកត្តារីកចំរើនរបស់ខ្លួន ក្រោយបានចូលហ្វឹកហាត់ជាមួយលោក Leonardo Vitorino គ្រូបង្វឹកជម្រើសជាតិកម្ពុជាកាលពីពេលថ្មីៗនេះ ក្នុងប្រមូលផ្ដុំយកឈ្នះអាហ្វហ្គានីស្ថាន ១-០។
ខ្សែបម្រើក្លឹបប៉ូលិស នួន បូរី បានជាប់ក្នុងបញ្ជីឈ្មោះកីឡាករ ២៥ នាក់ចុងក្រោយ ក្រោមការដឹកនាំរបស់លោក Leonardo Vitorino ហើយបានយកឈ្នះក្រុមអាហ្វហ្គានីស្ថានក្នុងការប្រកួតវគ្គជម្រុះ AFC Asian Cup 2019។ ក្នុងការប្រមូលផ្ដុំហ្វឹកហាត់កីឡាកររូបនេះបានបង្ហើបឲ្យដឹងថា មានការកើនឡើងគ្រប់ចំណុចទី១ គឺកម្លាំងការពាំងដៃគូបិទដៃគូមិនឲ្យចូលយកបាល់ សាច់ដុំឡើងធំជាងមុន និងស្មារតីវ័យឆ្លាតនៅលើទីលាន។
កីឡាករមានដើមកំណើតមកពីខេត្តកណ្ដាលរូបនេះបន្ថែមថា ក្រៅពីចំណុចខាងរូបគេទទួលបានទាំងបច្ចេកទេសល្អៗ របៀបហាត់ប្រាណយកសាច់ដុំពីគ្រូជាដើម។ ចំណុចមួយទៀតគឺទទួលបានការណែនាំពីរៀមច្បង ដែលធ្លាប់បានជាប់ជម្រើសជាតិពីមុនយ៉ាងច្រើន ដូចជារបៀបនៃការលេងឬតិចនិកលេងយ៉ាងណាឲ្យបានយល់ចិត្តគ្នាផងដែរ។
នួន បូរី ធ្លាប់ជាប់ជម្រើសជាតិម្ដងរួចមកហើយកាលពីឆ្នាំ២០១៤ ប៉ុន្តែដោយសារបញ្ហារបួសញាំញីបានធ្វើឲ្យគេបាត់មុខមិនបានជាប់ជម្រើសជាតិ រហូតទើបទទួលបានឱកាសសាជាថ្មីកាលពីពេលថ្មីៗនេះ៕