ជំនួបពិសេស! Sabay FC ណាត់ជួបក្រុមតារាកំប្លែងនាយពែកមី ល្ងាចនេះ

2017-06-16 03:56:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់មិនអាជីព Sabay FC បានណាត់ជួបក្រុមពែកមី (Peakmi FC) សម្រាប់ការប្រកួតមិត្តភាពដើម្បីសុខភាពវេលាម៉ោង៦ល្ងាចនេះនៅទីលានសិប្បនិម្មិត RAMA។

បន្ទាប់ពីកេរ្តិ៍ឈ្មោះក្រុមទាំងពីល្បីសុះសាយក្នុងពិភពបាល់ទាត់មិនអាជីពនៅភ្នំពេញ ក្រុមទាំងពីរតែងតែព្យាយាមរកពេលវេលាជួបគ្នាដើម្បីបង្ហាញសាច់ដុំរៀងៗខ្លួនក្នុងគោលបំណងបង្កើតទំនាក់ទំនងសាមគ្គីភាព និងសុខភាព។ ទីបំផុតក្រុមទាំងពីរបានសម្រេចគោលបំណងជួបគ្នាហើយ។ ចាំមើលក្រុមណាស៊ុតបាល់ច្រើនគ្រាប់ជាង?

Sabay FC ជាក្រុមដែលមានសមាជិកជាបុគ្គលិកធ្វើការនៅសស្ថាប័នព័ត៌មានអនឡាញ Sabay ដែលជារឿយៗក្រុមនេះលេងតែជាមួយគ្នាប៉ុណ្ណោះ ប៉ុន្តែម្តងម្កាលក៏ជួបក្រុមថ្នាក់ដឹកនាំបឹងកេត និង ក្រុម CTN ផងដែរ។

ចំណែកក្រុមពែកមីក៏មិនធម្មតាដែរ បើទោះជាក្រុមនេះប្រមូលផ្តុំដោយតារាកំប្លែង និងមិត្តភ័ក្តិរួមការងារ ប៉ុន្តែល្បីល្បាញមិនចាញ់ការសម្តែងនៅលើឆាកឡើយ។ ក្រុមនេះឧស្សាហ៍ជួបប្រកួតនឹងដៃគូខ្លាំងៗណាស់។ ព្រឹកនេះតារាកំប្លែងពែកមីបានសរសើរលើទំព័ររបស់លោកថា ៖«ល្ងាចនេះពីម៉ោង៦ដល់៨ ជួបគ្នា សងសឹក ស៊ីសាច់ហុតឈាមនៅតារាងបាល់ទាត់ Rama»។