ឥណ្ឌាស្រវ៉ាចាប់ទីផ្សារគ្រឿងអលង្ការនៅកម្ពុជា ដើម្បីនាំចេញដោយមិនគិតពន្ធ

2017-06-16 07:58:47
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ត្រីជាន់ខ្ពស់នៃក្រសួងឧស្សាហកម្ម និងសិប្បកម្ម បានមានប្រសាសន៍ថា ទីផ្សារគ្រឿងអលង្ការនៅកម្ពុជា កំពុងទាក់ចិត្តវិនិយោគិនបរទេសឲ្យចាប់អារម្មណ៍ខ្លាំង ខណៈអ្នកវិនិយោគពីប្រទេសឥណ្ឌាជាច្រើនបានសម្លឹងឃើញឱកាសធំ ក្នុងការវិនិយោគលើវិស័យនេះ ដើម្បីពង្រីកការនាំចេញដោយមិនគិតពន្ធ។

ឯកឧត្ដម ចម ប្រសិទ្ធ រដ្ឋមន្ត្រីនៃក្រសួងឧស្សាហកម្ម និងសិប្បកម្ម បានថ្លែងថា ពីមុនការនាំចូលផលិតផលគ្រឿងអលង្ការ និងត្បូងថ្មមានតម្លៃពីប្រទេសថៃ ទៅកាន់ទីផ្សារសហរដ្ឋអាមេរិក ក៏ត្រូវបានលើកលែងពន្ធដូចកម្ពុជា។ ប៉ុន្តែដោយសារការនាំចូលរបស់ថៃលើផលិតផលនេះមានសន្ទុះខ្លាំង នៅឆ្នាំ ២០១៥ សហរដ្ឋអាមេរិកសម្រេចលុបចោលការមិនយកពន្ធ។ « នេះជាឱកាសធំសម្រាប់កម្ពុជា យើងចាំបាច់ទាញប្រយោជន៍នេះឲ្យធំ ក្នុងការអភិវឌ្ឍ និងកែច្នៃត្បូងមានតម្លៃដើម្បីប្រកួតប្រជែងជាមួយប្រទេសក្នុងតំបន់»។

លោកបន្ថែមថា ក្នុងនាមប្រទេសមួយ ដែលមានការអភិវឌ្ឍតិចតួច កម្ពុជានឹងចំណេញពីរយ៉ាងពីវិស័យនេះ ទី១ ការនាំចេញផលិតផល ដោយមិនគិតពន្ធ ទី២ កម្ពុជានឹងអាចទាក់ទាញអ្នកវិនិយោគបរទេសលើវិស័យនេះមកកាន់តែច្រើន ព្រោះកម្លាំងពលកម្មកម្ពុជាធូរថ្លៃជាងបណ្ដាប្រទេសនានា ហើយការនាំចេញទៀតសោត ក៏មិនមានគិតពន្ធ។ ដូច្នេះការអភិវឌ្ឍលើផ្នែកវិស័យនេះ នឹងចូលរួមចំណែកអភិវឌ្ឍសេដ្ឋកិច្ចកម្ពុជា ព្រមទាំងបង្កើតការងារ ជំនាញច្បាស់លាស់ កាន់តែច្រើនសម្រាប់ប្រជាជនកម្ពុជា ប្រកបដោយភាពថ្លៃថ្នូរ ។

លោក ជំទាវ ឧកញ៉ា លីម ឈីវហួរ ប្រធានសមាគមពាណិជ្ជកម្មគ្រឿង អលង្ការ និងត្បូងមានតម្លៃនៅកម្ពុជា បានមានប្រសាសន៍ថា នៅក្នុងពិព័រណ៍គ្រឿងអលង្ការ លើកទី៣នេះ បាន និងកំពុងអូសទាញចំណាប់អារម្មណ៍ក្រុមអ្នកវិនិយោគ និងក្រុមហ៊ុនចូលរួមតាំងបង្ហាញប្រមាណ ៤០ តាមបណ្ដាប្រទេសចំនួន ៦ នៅជុំវិញពិភពលោក។

លោកជំទាវ ឧកញ៉ា លីម ឈីវហួរ បានបញ្ជាក់ពីគោលបំណងដែលបានរៀបចំការតាំងពិព័រណ៍នេះ គឺដើម្បីលើកតម្កើងពីផលិតផលត្បូងមានតម្លៃរបស់ខ្មែរ ឲ្យប្រទេសគេកាន់យល់ដឹង និងចង់ឲ្យកូនខ្មែរកាន់តែយល់ច្បាស់ពីបច្ចេកទេសកែច្នៃត្បូង ដើម្បីឲ្យក្លាយផលិតផលមានតម្លៃលំដាប់អន្តរជាតិ៕

អត្ថបទ៖ ប៊ិន ប៊ុណ្ណា

ពាក្យទាក់ទង

សេដ្ឋកិច្ច

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

អត្ថបទថ្មី

មកស្គាល់ប្រព័ន្ធសុវត្ថិភាពចំនួន ១០ ដែលបំពាក់លើរថយន្តបច្ចុប្បន្ន

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?