អាំង សំអាត លុយបានពីប្រដាល់រាប់ម៉ឺនដុល្លារបើគិតតាំងពីមុនមក

2017-06-17 04:09:19
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ទម្ងន់ ៥៤ គីឡូក្រាម អាំង សំអាត ថាបើនិយាយពីថវិកាដែលបានមកពីការឡើងសង្វៀនរបស់គេ មិនតិចជាងម៉ឺនដុល្លារអាមេរិកនោះទេ។

កីឡាករ អាំង សំអាត

កីឡាករ អាំង សំអាត ឲ្យដឹងថា ខ្លួនចូលក្នុងវិស័យប្រដាល់គុនខ្មែរនេះតាំងពីឆ្នាំ២០០៦មកម្ល៉េះ បើគិតមកដល់ពេលនេះប្រហែលជាជាង ១០ឆ្នាំមកហើយ។ ចំពោះការប្រកួតទៀតសោតក៏ច្រើនតាមនិងដែរ កីឡាករជើងខ្លាំងរូបនេះ ធ្លាប់ឈ្នះពានរង្វាន់សម្ដេច ហ៊ុន សែន ធ្លាប់ឈ្នះខ្សែក្រវាត់ និងជាជើងឯករងជាច្រើនលើក ច្រើនសារផងដែរ ហើយប្រាក់តម្លៃខ្លួនរួមនិងប្រាក់រង្វាន់ផ្សេងៗនោះ គិតទៅក្រែលណាស់ដែរ ប្រហែលជាខ្ទង់ម៉ឺនដុល្លារអាមេរិកឯណោះ។

ជើងឯករងកម្មវិធីសមរភូមិអ្នកប្រយុទ្ធ បន្តទៀតថា ទោះជាថវិកាសរុបទៅបានច្រើនដូចនេះក្ដី តែមិនសល់អ្វីជាដុំកំភួនច្រើននោះទេ មានត្រឹមម៉ូតូនិងលុយការប្រពន្ធ ណាមួយប្រាក់ដែលបានមកទាំងអស់នោះត្រូវចំណាយអ្វីៗផ្សេងជាច្រើនសម្រាប់ក្រុមគ្រួសារក៏ដូចជាការហ្វឹកហាត់វិញដែរ។

កីឡាករ អាំង សំអាត ក្រហម

កីឡាករ អាំង សំអាត ជាកូនសិស្សលោកគ្រូ មាស សុខគ្រី មកពីក្លឹបប្រដាល់ តាព្រហ្មណ៍មានជ័យ កាលពីប៉ុន្មានខែមុននេះទើបទទួលបានពានរង្វាន់ជើងឯករងមួយទៀត ក្នុងកម្មវិធីប្រកួតម៉ារ៉ាតុង របស់ក្រុមហ៊ុន Skyland នៅឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល៕

អត្ថបទ៖ នួន ស៊ីណា