“ក្មេងទី៦" ចាយដើមទុនផលិតមិនចាញ់រឿង "ជួយអូនផង"
- 2017-06-18 06:25:43
- ចំនួនមតិ 0 | ចំនួនចែករំលែក 0
“ក្មេងទី៦" ចាយដើមទុនផលិតមិនចាញ់រឿង "ជួយអូនផង"
ចន្លោះមិនឃើញ
ព្រឹកមិញនេះផលិតកម្ម Clips Media បានធ្វើពិធីក្រុងពាលីរឿង "ក្មេងទី៦" ដោយចាយដើមទុនក្នុងការផលិតមិនខុសពីរឿង "ជួយអូនផង" កន្លងមកនោះទេ។
លោក ពីជិត សិរីសិទ្ធ ចាងហ្វាងផលិតកម្មបានថ្លែងថា រឿង "ក្មេងទី៦" ជាស្នាដៃថ្មីសុទ្ធសាតទី២បន្ទាប់ពីរឿង "ជួយអូនផង" របស់ផលិតកម្មClips Media ។រឿង "ក្មេងទី៦" នេះគ្រោងនឹងដំណើរការថតនៅសប្ដាហ៍ក្រោយ ចំពោះប្លង់ថតសំខាន់ៗមានរាជធានីភ្នំពេញ និងភ្នំបាសិត។
“បាទរឿងនេះបើមិនខុសតាមការគ្រោងទុកនោះទេ យើងអាច នឹងចាក់បញ្ចាំងនៅតាមរោងកុនចុងឆ្នាំនេះប្រហែលជាខ្ទង់ខែ១០ ឬខែ១១ ហើយដើមទុនក៏មិនខុសពីរឿងទី១ដែរគឺប្រហាក់ប្រហែលខ្ទង់១០ម៉ឺន ដូចគ្នា"។ នេះបើតាមចាងហ្វាងផលិតកម្ម Clips Media លើកឡើងដូច្នេះ។
ខ្សែភាពយន្តខ្នាតធំរឿង "ក្មេងទី៦" នេះគឺចង់និយាយសំដៅទៅលើវិញ្ញាណក្មេងទី៦ មិនទាក់ទងទៅនិងវិញ្ញាណខ្មោចទី៦នោះទេ។ ចំណែកឯតួអង្គសំខាន់ធំៗនៅក្នុងរឿងមាន មុំ សុធារ៉ា អ្នកនាង សុខ សោម៉ាវត្តី ប៉ែន សុផានី សឿន ផានផាភួង និងតារាសម្ដែងប្រុសស្រីជាច្រើនរូបទៀត។