ដើម្បីបង្កើនការគាំទ្រ ពៅ ពេជ្រ ចាប់យកអាជីពថ្មីមួយទៀតក្រៅពីចម្រៀង
- 2017-06-18 07:22:43
- ចំនួនមតិ 0 | ចំនួនចែករំលែក 0
ដើម្បីបង្កើនការគាំទ្រ ពៅ ពេជ្រ ចាប់យកអាជីពថ្មីមួយទៀតក្រៅពីចម្រៀង
ចន្លោះមិនឃើញ
នៅក្នុងពិធីសម្ពោធហាងថ្មី EDAMAME របស់ជនជាតិជប៉ុនល្ងាចមិញនៅទល់មុខផ្សារទំនើប Aeon Mall តារាចម្រៀង ពៅ ពេជ្រ បានលើកឡើងថាលោកគ្រោងនឹងបន្ថែមអាជីពថ្មីមួយទៀតក្រៅពីចម្រៀងដើម្បីពង្រីកទីផ្សារសិល្បៈ។
ពៅ ពេជ្រ បន្តថារហូតមកដល់ពេលនេះលោកបានចូលជ្រកក្រោមដំបូលផលិតកម្មRock បានរយៈពេលមួយឆ្នាំមកហើយតែទីផ្សារនៅមានកម្រិតនៅឡើយ។ ដូច្នេះដើម្បីពង្រីកទីផ្សារសិល្បៈតារាចម្រៀងរូបនេះបានឈោងចាប់អាជីពសម្ដែងមួយទៀតនាពេលខាងមុខនេះ។
“ថ្មីៗមានផលិតកម្មចំនួន៣បានទាក់ទងឲ្យខ្ញុំថតខ្សែភាពយន្ត ។ រឿងដែលពួកគាត់ទាក់ទងឲ្យខ្ញុំថតគឺទទួលតំណែងជាតួឯកទាំងអស់បង ហើយខ្ញុំជឿថាពេលដែលខ្ញុំចេញថតរឿង ទីផ្សារសិល្បៈខ្ញុំនឹងទទួលបានការចាប់អារម្មណ៍ច្រើនជាងមុនពីទស្សនិកជន"។ ម្ចាស់បទ "អូនប្រពន្ធ" រៀបរាប់។
នៅក្នុងឱកាសសម្ពោធបើកហាង EDAMAME របស់ជនជាតិជប៉ុននេះដែរ ពៅ ពេជ្រ ក៏បានថ្លែងអំណរគុណដល់ម្ចាស់ហាងជនជាតិជប៉ុនដែលបានដាក់ទុនមកស្រុកខ្មែរហើយ បានអញ្ជើញលោក និងតារាចម្រៀងជាច្រើនទៀតនៅក្នុងRock Music ឲ្យមកចូលរួម។
ដោយឡែកម្ចាស់ហាងជនជាតិជប៉ុនបានមានប្រសាសន៍ថា មូលហេតុដែលសម្រេចចិត្តបើកភោជនដ្ឋាន EDAMAME នៅកម្ពុជាដោយសារតែលោកបានសាកសួជនជាតិកម្ពុជាជាច្រើន ទាក់ទងអាហារជប៉ុនជាច្រើននៅកម្ពុជាតែអាហារជប៉ុនទាំងអស់សុទ្ធតែមានតម្លៃថ្លៃ។
“អញ្ចឹងហើយជនជាតិកម្ពុជាក៏បានប្រាប់ខ្ញុំ ឲ្យខ្ញុំហ្នឹងបង្កើតហាងនេះឡើងដោយមានតម្លៃសមរម្យ ចំណែកឯរស់ជាតិបែបជប៉ុនសុទ្ធសាតតែម្ដង"។ នេះបើតាមម្ចាស់ហាងជប៉ុនរូបនេះអះអាង៕