កត្តាប្រឈមរវាងធនធានមនុស្ស និងដំណើរអាជីវកម្មថ្មី ត្រូវបានបកស្រាយ ដើម្បី...

2017-06-20 09:20:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ការចាប់ផ្តើមអាជីវកម្មថ្មី គឺវាមិនងាយស្រួលនោះទេ ជាក់ស្ដែងអាជីវកម្មមួយអាចទទួលជោគជ័យទៅបាន គឺអាស្រ័យលើកត្តាជាច្រើនដែលមានតាំងពីកត្តាហិរញ្ញវត្ថុ កត្តាធនធានមនុស្ស កត្តាទំនុកទុកចិត្តក្នុងការវិនិយោគ កត្តាជំនាញ កត្តាទីផ្សារនិងកត្តាផ្សេងៗ មួយចំនួនទៀត។ ចំពោះផ្នែកធនធានមនុស្សវិញពិតជាមានសារៈសំខាន់ណាស់ ដើម្បីឆ្លើយតបនឹងតម្រូវការរបស់ក្រុមហ៊ុនថ្មីនោះ។

ទន្ទឹមនឹងនេះក៏មានកត្តាប្រឈមជាច្រើនសម្រាប់កិច្ចការផ្នែកធនធានមនុស្ស ដើម្បីអាចគាំទ្រដំណើរការនៃអាជីវកម្មថ្មីនោះបានជោគជ័យ។ ដោយមើលឃើញពីចំណោទបញ្ហានេះ ផាកកាហ្វេសហការជាមួយវិទ្យាស្ថានអភិវឌ្ឍន៍វិស័យអប់រំបានធ្វើការរៀបចំឡើងនូវកម្មវិធីសន្ទនាពាណិជ្ជកម្ម ដែលប្រព្រឹត្តទៅនាថ្ងៃទី ១២ មិថុនាថ្មីៗនេះ នៅផាកកាហ្វេបឹងកេងកងត្រសក់ផ្អែម ដោយផ្តោតលើប្រធានបទ “ធនធានមនុស្ស និងការចាប់ផ្តើមអាជីវកម្ម” ។

បើតាមប្រធានផ្នែកទីផ្សារ នៃផាកកាហ្វេបានបញ្ជាក់ថា កម្មវិធីនេះមានការចូលរួមពីវាគ្មិនល្បីៗចំនួនពីររូបដែលជាម្ចាស់សហគ្រិនជោគជ័យ និងបុគ្គលិកកំពូលនៃស្ថាប័ន ដែលមានលោក Ken Lo អគ្គនាយក និងជាថ្នាក់ដឹកនាំជាន់ខ្ពស់នៃ Centrury21 Imperial Realty និងលោក Sar Kinal អគ្គនាយកនៃក្រុមហ៊ុន Aplus Consulting ដោយមានការសម្របសម្រួលកម្មវិធីពីសំណាក់ កញ្ញា Prak Thida អ្នកគ្រប់គ្រងទូរទៅនៃវិទ្យុ Lotus ។

បើតាមគន្លឹះខ្លះៗដែលយើងអាចសង្ខេបបានពីកម្មវិធីនេះមានដូចជា៖

-ទី១ គឺទាក់ទងជាមួយបញ្ហាក្នុងការស្វែងរកបុគ្គលិកសម្រាប់អ្នកដែលទើបចាបផ្តើមអាជីវកម្មថ្មីគួរស្វែករកបុគ្គលិកដែលមានលក្ខណៈល្អគ្រប់គ្រាន់ទាំងចំនេះដឹង បទពិសោធន៍ មានការតាំងចិត្តខ្ពស់ដើម្បីសម្រេចគោលដៅរបស់ក្រុមហ៊ុន និងជាពិសេសមានទស្សនៈវិស័យរួម។

-ទី២ គឺការគ្រប់គ្រង និងការអភិវឌ្ឍធនធានមនុស្សរបស់ក្រុមហ៊ុនអោយដើរទាន់នឹងការលូតលាស់របស់ក្រុមហ៊ុន និងទីផ្សារគឺត្រូវធ្វើយ៉ាងណាផ្ដល់នូវវគ្គបំប៉នសំខាន់ៗ ដែលឆ្លើយតបនឹងតម្រូវការជាក់ស្តែងរបស់ក្រុមហ៊ុន។

-ទី៣ គឺវិធីសាស្ត្រក្នុងការរក្សាក្រុមការងារអោយបានល្អប្រសើរសម្រាប់អាជីវកម្មអាជីវកម្មថ្មី ក្រុមហ៊ុនគួរផ្តល់នូវបរិយាកាសការងារដែរល្អៗ និងធ្វើឲ្យបុគ្គលិកមានអារម្មណ៍ស្មើភាពក្នុងកន្លែងការងារ។

គួរបញ្ជាក់ផងដែរថា កម្មវិធីនេះមានគោលបំណងលើកកម្ពស់សហគ្រិនភាពកម្ពុជា និងផ្តល់ឱកាសដល់សហគ្រិន ម្ចាស់អាជីវកម្មផ្សេងៗ បុគ្គលិកស្ថាប័ន និងអ្នកដែលមានបំណងក្នុងការធ្វើអាជីវកម្មក៏ដូចជានិស្សិតដែលត្រៀមខ្លួនប្រឡូកក្នុងសង្គមការងារផ្សេងៗ បានស្វែងយល់ និងទទួលបានពិសោធពីបុគ្គលល្បីៗក្នុងវិស័យអាជីវកម្ម ក៏ដូចជាតិចនិកក្នុងការធ្វើអាជីវកម្ម និងបង្កើនឱកាសក្នុងការជូបផ្ទាល់ជាមួយសហគ្រិននានា។ ក្នុងនោះផងដែរ កិច្ចសន្ទនាពាណិជ្ជកម្មនេះនេះក៏ត្រូវបានបង្កើតឡើងក្នុងគោលដៅមួយដែលមិនមែនស្វែងរកប្រាក់ចំណេញ ហើយអនុញ្ញាត អោយអ្នកដែលមានបំណងស្វែងយល់អាចចូលរួមបានដោយចំណាយតិចតូចបំផុត។

កម្មវិធីនេះ ក៏ទទួលបានការគាំទ្រពី ស្ថាប័នដែលមានអ្នកជំនាញខាងចំរុះវិស័យក្នុងប្រតិបត្តិការអាជីវកម្មផ្សេង ដូចជា ក្លឹបអ្នកវិនិយោគកម្ពុជា (CIC) សមាគមសហគ្រិនវ័យក្មេងកម្ពុជា (YEAC) សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(C.V.E.A) និង JCI កម្ពុជា៕

អត្ថបទ៖ ប៊ិន ប៊ុណ្ណា

ពាក្យទាក់ទង

ដៃគូសហការ

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

Mbappe មិនដូរចិត្ត ទោះជួយ PSG ឡើងវគ្គពាក់កណ្ដាលផ្ដាច់ព្រ័ត្រ UCL

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

អត្ថបទថ្មី

ចូលឆ្នាំថ្មី អតិថិជន ក្រុមហ៊ុន វឌ្ឍនៈ ឈ្នះរង្វាន់ជាច្រើន! ឈ្នះលុយ ឈ្នះមាស ឡាន ម៉ូតូ និងឈ្នះរង្វាន់ធំៗផ្សេងទៀត

Ronaldo ឈ្នះ Juventus រឿងក្ដីក្ដាំពាក់ព័ន្ធរឿងមិនបើកប្រាក់ឈ្នួលរាប់លានដុល្លារ

ប្រាសាទ ដាវីន បង្ហាញជំហរច្បាស់លាស់ ប្រសិនមានឱកាសតំណាងកម្ពុជាលើឆាកអន្តរជាតិម្តងទៀត

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម