រកឃើញចិនសែ ចេះវិជ្ជាអាថ៌កំបាំងពាន់ឆ្នាំ កែវាសនាមនុស្សពីក្រ ទៅមាន ឯភ្ញៀវវិញសុទ្ធតែឧកញ៉ា អ្នករកស៊ីធំៗ
- 2017-06-21 05:00:16
- ចំនួនមតិ 0 | ចំនួនចែករំលែក 0
រកឃើញចិនសែ ចេះវិជ្ជាអាថ៌កំបាំងពាន់ឆ្នាំ កែវាសនាមនុស្សពីក្រ ទៅមាន ឯភ្ញៀវវិញសុទ្ធតែឧកញ៉ា អ្នករកស៊ីធំៗ
ចន្លោះមិនឃើញ
គ្រូហុងស៊ុយដែលលេចមុខជាប្រចាំ និងល្បីខ្លាំងនៅលើកម្មវិធី «ហុងស៊ុយបែបវិទ្យាសាស្ត្រ» របស់ទូរទស្សន៍ PNN បានអះអាងប្រាប់ Sabay ក្នុងបទសម្ភាសថា អ្នកគ្រូបានហាត់រៀនចេះច្បាស់ពីគម្ពីរបុរាណចិនអាយុកាលពាន់ឆ្នាំ ពីគ្រូធំរបស់អ្នកគ្រូមកពីចិនផ្ទាល់។ ក្នុងនោះមាន «ចាវអ៊ុង» ឬ «ផ្នូរមនុស្សរស់» ជាវិជ្ជាថ្នាក់កំពូលរបស់ហុងស៊ុយចិន ដែលអាចកែវាសនាមនុស្សពីក្រ ទៅ មាន ហើយដែលមានចិនសែតិចតួចបំផុតចេះច្បាស់។
អ្នកគ្រូ ឡុង ណាលី អគ្គនាយិកាស្ថាប័ន ម៉ាស្ទ័រ ណាលី ហុងស៊ុយ ថា៖ "គ្រូខ្ញុំ ជនជាតិចិន។ គាត់ឈ្មោះ Master Mas ជាប់លំដាប់ចិនសែ លេខ១លើពិភពលោក។ គ្រូដែលបង្រៀនចិនសែនៅលើបណ្ដាប្រទេសផ្សេងៗលើពិភពលោក។ ចិនសែដែលល្បីៗមិនថានៅម៉ាឡេ សាំងហ្គាពួរ អាមេរិក អូស្ត្រាលី កូរ៉េ គឺគាត់អ្នកបង្រៀន។ នៅស្រុកខ្មែរ មានតែខ្ញុំមួយទេ [ស្នងពីគាត់]។
ចាវអ៊ុង ឬផ្នូរមនុស្សរស់ ជាវិជ្ជាកំពូលអាចកែវាសនាមនុស្សពីក្រ ទៅមាន។ ប្រវត្តិចាវអ៊ុង គឺល្បីចាប់តាំងពីធ្វើអ្នកសុំទាន ក្លាយជាស្ដេចរាជវង្សម៉េង [ស្ដេច ជូ យានចាង]។... ខ្ញុំរៀន ៤ ឆ្នាំ។ ហុង ស៊ុយ តារាសាស្ត្រ ហោរាសាស្ត្រ អាហ្នឹងទាក់ទងនឹងវិជ្ជាអាថ៌កំបាំង ខ្ញុំរៀនចេះ"។
ការធ្វើចាវអ៊ុង គឺដើម្បីឲ្យមានលុយកាក់ហូរចូល សុខភាពល្អបរិបូរ អំណាចបារមី និងបរិវារ ខណៈដែលចាវអ៊ុងមាន ៤ លំដាប់ គឺ មហាសេដ្ឋីពិភពលោក មហាសេដ្ឋីប្រចាំប្រទេស មហាសេដ្ឋីធម្មតា និងសេដ្ឋី។
ពាក់ព័ន្ធនឹងការរៀបហុងស៊ុយទូទៅវិញ ចិនសែដែលទើបផ្លាស់មករស់នៅកម្ពុជាបាន ៦ ខែរូបនេះ ថា៖ "តាំងពីមកខ្មែរ ខ្ញុំមកកែឲ្យគេរហូត [ហុងស៊ុយផ្ទះ សណ្ឋាគារ ក្រុមហ៊ុន...] ព្រោះចិនសែភាគច្រើនរៀបខុស។ គ្រូហុងស៊ុយប្រៀបដូចជា Doctor អ៊ីចឹង។ បើវះកាត់ឲ្យគេខុស គេស្លាប់ហើយ។ ហុងស៊ុយក៏ដូចគ្នា បើរៀបឲ្យគេខុស មិនមែនឲ្យគេ មាន ទេ គឺឲ្យគេកាន់តែ ក្រ តែម្ដង"។
ការរៀបហុងស៊ុយ មិនមែនផ្អែកតាមតែក្បួនមួយមុខនោះទេ គឺត្រូវចេះមើលតារាសាស្ត្រជាសំខាន់ផងដែរ ព្រោះប្រតិកម្មរវាងតារាសាស្ត្រ និងផែនដី ពាក់ព័ន្ធនឹងដំណើរជីវិតរបស់មនុស្ស។ ត្រង់នេះ អ្នកគ្រូ ណាលី ហ៊ានធានាថា បើឲ្យអ្នកគ្រូរៀបចំហុងស៊ុយឲ្យតាំងពីមុនពេលបុកគ្រឹះសំណង់ នោះហុងស៊ុយម្ចាស់ផ្ទះ នឹងឡើង ១ គុណ ១០ ខណៈដែលប្រសិទ្ធភាពចាប់ផ្ដើមឃើញជាបណ្ដើរៗចាប់ពី ៣ សប្ដាហ៍ ទៅ ៣ ខែ។
ត្រឹម ៦ ខែប៉ុណ្ណោះ ចិនសែដែលចេះតារាសាស្ត្រច្បាស់រូបនេះអះអាងថា មានភ្ញៀវប្រមាណជា ៥០០ ទៅ ៦០០ នាក់ហើយមករកអ្នកគ្រូឲ្យរៀបចំហុងស៊ុយឲ្យ ក្នុងនោះមានទាំងធ្វើចាវអ៊ុងផងដែរ។ "ភ្ញៀវជាអ្នករកស៊ីធំៗ ឧកញ៉ា មន្ត្រីរាជការជាប្រធានៗ។ ភ្ញៀវភាគច្រើនអញ្ជើញចិនសែពីក្រៅទេ ដល់ឥឡូវស្ថាប័នខ្ញុំមក គេចង់សាកថាដូចនឹងស្រុកគេអត់។ ដល់ពេលត្រូវគ្នា [ប្រសិទ្ធភាព] ពាក់ព័ន្ធនឹងតម្លៃ ស្ថាប័នយើងធូរថ្លៃជាង"។
ក្រៅពីរៀបហុងស៊ុយ អ្នកគ្រូ ណាលី ក៏មើលរាសី ដឹងពីដំណើរជីវិតពេញមួយឆាកជីវិតថាតើ ឆ្នាំណារាសីឡើងចុះ រកស៊ីអីឲ្យត្រូវ ជួបគ្រោះថ្នាក់អាយុជីវិតពេលណា ដោយសារអី ហើយអាចកែថ្ងៃស្លាប់បាន។ ពេលរាសីធ្លាក់សូន្យ មនុស្សអាចប្រឈមនឹងគ្រោះថ្នាក់ជីវិត។
អ្នកគ្រូថា រាសី គឺជាកូនសោជីវិត ឯថ្ងៃខែឆ្នាំ កំណើត ជាអ្នកកំណត់ជោគវាសនារបស់មនុស្ស។ អត់ដឹងពីរាសី ប្រើដូចអត់ដឹងថាត្រូវបត់បែនជីវិតតាមណា គឺយើងដើរទាំងងងឹតងងុល។ អ៊ីចឹង បានខ្លះធ្វើការ ១០ ឆ្នាំហើយ អត់មាននៅសល់អី។ បើដឹងមុន យើងអាចរៀបចំតម្រង់ និងកែខៃឲ្យប្រសើរ។ ត្រង់នេះ អ្នកគ្រូបានឲ្យនិយមន័យជោគជ័យក្នុងជីវិតថា មនុស្សជោគជ័យអាស្រ័យលើកត្តា ៣ យ៉ាង គឺចំណេះជំនាញ រាសី និងហុងស៊ុយ។
ពេលត្រូវបានសួរថា កែថ្ងៃស្លាប់បានយ៉ាងម៉េច ហើយលក្ខខណ្ឌអីខ្លះ ចិនសែធ្លាប់រស់នៅថៃ ១០ ឆ្នាំ និងឡើងប៉ុស្តិ៍ថៃដល់ទៅ ៣ ប៉ុស្តិ៍ ប្រាប់ថា បើអាយុ ៥០ ឆ្នាំចុះក្រោម អាចកែបាន (តាមវិធីចាវអ៊ុង) ដោយសារចន្លោះអាយុនេះ មនុស្សមានកម្លាំងពេញលេញ អាចទប់ទល់បាន តែបើអាយុ ៥០ ឆ្នាំឡើង មិនអាចកែបានឡើយ ព្រោះកម្លាំងខ្សោយ។
ស្ថាប័ន ម៉ាស្ទ័រ ណាលី ហុងស៊ុយ មានសេវាកម្មហុងស៊ុយ៖
សម្រាប់ព័ត៌មានបន្ថែម សូមទាក់ទងលេខ