ធន់ សុភា ចង់ឲ្យចៅក្រមកុំភ្លឹកមើលម្ខាងៗពេលវគ្គផ្ដាច់ព្រ័ត្រគោជល់
- 2017-06-22 02:56:03
- ចំនួនមតិ 0 | ចំនួនចែករំលែក 0
ធន់ សុភា ចង់ឲ្យចៅក្រមកុំភ្លឹកមើលម្ខាងៗពេលវគ្គផ្ដាច់ព្រ័ត្រគោជល់
ចន្លោះមិនឃើញ
លោក ធន់ សុភា ដែលជាគ្រូបង្ហាត់របស់កីឡាករ ឆៃ សារ៉ា សម្រាប់ការប្រកួតវគ្គផ្ដាច់ព្រ័ត្រខ្សែក្រវាត់គោជល់ថ្ងៃសៅរ៍ ទី២៤ ខែមិថុនា ឆ្នាំ២៩១៧ នៅសង្វៀនទូរទស្សន៍ខាងមុននេះចង់ឲ្យអាជ្ញាកណ្ដាលឬចៅក្រមសូមកុំភ្លឹកមើលតែកីឡាករម្ខាងៗពេលដាក់ពិន្ទុ។
លោកគ្រូ ធន់ សុភា បានឲ្យដឹងថា ចំពោះការប្រកួតវគ្គផ្ដាច់ព្រ័ត្ររវាងជើងខ្លាំង ឃីម ឌីម៉ា និង ឆៃ សារ៉ា នៅចុងសប្ដាហ៍នេះ សូមឲ្យអាជ្ញាកណ្ដាល ចៅក្រម ក៏ដូចជាគណៈកម្មាធិការប្រដាល់ទាំងអស់ប្រកាន់ភាពយុត្តិធម៌។ អតីតជើងខ្លាំងរូបនេះបន្តថា លោកចង់ឲ្យល្អនិងយុត្តិធម៌ដូចការប្រកួតវគ្គផ្ដាច់ព្រ័ត្ររវាងកីឡាករ ឡៅ ចន្រ្ទា និងជើងខ្លាំង ផល សោភ័ណ្ឌ បើថាកីឡាករបែរខ្នងត្រូវព្រមានគឺព្រមាន ហើយមួយទៀតនោះ កុំដិតអារម្មណ៍ទៅលើតែកីឡាករម្ខាង ព្រោះអាចនឹងភ្លេចថាដៃគូម្ខាងទៀតក៏ធ្វើបានល្អដែរ។ ជាពិសេសដូចកីឡាករ ឌីម៉ា ជាដើមព្រោះគេមានកេរ្តិ៍ឈ្មោះល្បីនាខ្លាំងនាពេលបច្ចុប្បន្ន ដូចនេះអាចថាម្នាក់ៗផ្ដោតលើរូបគេខ្លាំង។
ធន់ សុភា ជាគ្រូប្រដាល់ប្រចាំក្លឹប សមាគមកីឡាប្រដាល់ក្រសួងការពារជាតិ និងជាចៅក្រម អាជ្ញាកណ្ដាលនៅសង្វៀនបា័យនផងដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
