៦ខែដើមឆ្នាំ២០១៧ ផលិតកម្មបរទេសមកថតនៅកម្ពុជា ធ្លាក់ចុះ
- 2017-06-22 02:51:52
- ចំនួនមតិ 0 | ចំនួនចែករំលែក 0
៦ខែដើមឆ្នាំ២០១៧ ផលិតកម្មបរទេសមកថតនៅកម្ពុជា ធ្លាក់ចុះ
ចន្លោះមិនឃើញ
បើតាមប្រធានស្ដីទីនៃនាយកដ្ឋានភាពយន្ត លោក ប៉ុក បូរក្ស បានប្រាប់ឱ្យ sabay ដឹងថា នៅ៦ខែដើមឆ្នាំ២០១៧នេះ ផលិតកម្មបរទេសដែលបានមកថតនៅក្នុងប្រទេសកម្ពុជា មានការធ្លាក់ចុះ។ នេះបើប្រៀបធៀបជាមួយឆ្នាំមុខ តែលោកថា នៅ៦ខែចុងឆ្នាំអាចនឹងកើនឡើងវិញ។
មូលហេតុនៃការធ្លាក់ចុះការថត ទាំងថតខ្សែភាពយន្ត និងវីដេអូឯកសារនៅកម្ពុជា ក៏ព្រោះតែប្រទេសជិតខាងកម្ពុជា និងប្រទេសអភិវឌ្ឍន៍មួយចំនួនមានការប្រកួតប្រជែងគ្នាខ្លាំងទៅលើតម្លៃថត រួមទាំងការលើកទឹកចិត្ត ផ្សេងៗទៅដល់ក្រុមហ៊ុនដែលបានមកថតក្នុងប្រទេសរបស់ខ្លួន។ នេះបើតាមការបញ្ជាក់របស់លោកបូរ៉ាក់។
“ធ្លាក់ចុះព្រោះតែមានការប្រកួតប្រជែងគ្នាច្រើន ប្រទេសជិតខាងកម្ពុជា និងប្រទេសអភិវឌ្ឍន៍មួយចំនួន លើកទឹកចិត្តដល់ផលិតកម្មបរទេសណាដែលទៅថតនៅក្នុងប្រទេសខ្លួន ដូចជាខ្លួននឹងផ្ដល់ទឹកប្រាក់ប៉ុន្មានភាគរយឱ្យទៅក្រុមហ៊ុននោះវិញជាដើម"។ លោក បូរ៉ាក់ ថ្លែង។
តែទោះជាយ៉ាងនេះក្ដី ប្រធានស្ដីទីរូបនេះ មានក្ដីរំពឹងថា នៅ៦ខែចុងឆ្នាំនេះ ផលិតកម្មបរទេសមកថតនៅកម្ពុជានឹងមានការកើនឡើងវិញ។ រំពឹងកើនឡើងក៏ព្រោះតែនៅកំឡុងពេល៦ខែចុងក្រោយ មានផលិតករបរទេសជាច្រើនរូបបានទំនាក់ទំនងមកថតនៅកម្ពុជារួចហើយ។
“យើងរំពឹងថានៅរយៈពេល៦ខែចុងឆ្នាំនេះ នឹងមានផលិតកម្មបរទេសមកថតនៅកម្ពុជាច្រើនព្រោះមានផលិតកម្មបរទេសមួយចំនួនហើយ បានទាក់ទងថត។ ម្យ៉ាងវិញទៀតរដ្ឋាភិបាលក៏បានខិតខំប្រឹងប្រែងជួយសម្រួលទាំងទីតាំងថត និងបញ្ហាមួយចំនួនទៀតដែរ៕
*សុទ្ធតែប្រុសស្អាត ស្រីស្អាត
*ជុំវិញតារាសិល្បៈភាពយន្តយើង