ចាន់ រតនា និយាយអ្វីខ្លះមុនប៉ះជើងខ្លាំងថៃល្ងាចនេះ?

2017-06-23 02:45:40
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករល្បីឈ្មោះខាងប្រកួតក្បាច់គុនចម្រុះនាពេលបច្ចុប្បន្ន និងជាអតីតជើងគុនខ្មែរខ្លាំងតាំងពី ៣-៤ ឆ្នាំមុន ចាន់ រតនា លើកឡើងពីចំណុចខ្លាំងមួយចំនួនរបស់អ្នកប្រដាល់ឆ្លងដែនមកពីថៃ Kaophong Chaipum ដែលជាដៃគូត្រូវប៉ះគ្នាល្ងាចនេះ។

កីឡការ ចាន់ រតនា

ចាន់ រតនា បានឲ្យដឹងថា ការជួបជាមួយ Kaophong Chaipum អាចថាជាការប៉ះគ្នាដើម្បីស្ទាបស្ទង់ឲ្យដឹងពីកម្រិតវិជ្ជាគុន មុនការប្រកួតខ្សែក្រវាត់ឈានមកដល់នៅខែក្រោយ។ ការប្រកួតល្ងាចនេះ គេចាត់ទុកថាជាការប្រកួតដ៏សំខាន់មួយ ព្រោះកីឡាករថៃរូបនេះខ្លាំងនិងធ្លាប់ជួបជាមួយអ្នកប្រដាល់ល្បីឈ្មោះជួរមុខរបស់កម្ពុជាច្រើននាក់មកហើយ។

កីឡការ ចាន់ រតនា

ជើងខ្លាំងទើបប្រឡូកគុនខ្មែរសារជាថ្មីរូបនេះបន្តទៀតថា បើនិយាយពីចំណុចល្អៗនិងស្នៀតវិញកីឡាករថៃម្នាក់នេះ គេមានបទពិសោធច្រើន កម្លាំងស៊ុហ្វល្អ និងចូលចិត្តប្រើជើងទាត់កាត់ក្រោម រីឯដៃវ៉ៃខាងនិងឆក់លើ ហើយគេមិនសូវចូលវ៉ៃកៀកនោះឡើយ។ ចំពោះតិចនិកប្រកួតរបស់កីឡាករថៃម្នាក់នេះ រតនា ហាក់មិនបារម្ភនោះទេព្រោះបានហាត់សម្រាប់ទប់ទលនិងវាយបករួចស្រេចហើយ។ តែអ្វីដែលលោកបារម្ភនោះគឺកម្លាំងស៊ុហ្វរបស់ខ្លួនតែម្ដង ដោយសារវ័យរបស់ខ្លួនចាស់បន្តិចទៅហើយអាចនិងមិនដល់កីឡាករថៃម្នាក់នេះ។

កីឡការ ចាន់ រតនា

ចាន់ រតនា នឹងត្រូវប្រកួតមិត្តភាពអន្តរជាតិជាមួយកីឡាករ Kaophong Chaipum ខណៈជើងខ្លាំង ផល សោភ័ណ្ឌ ក៏ឡើងប្រឈមជាមួយកីឡាករថៃ ខេម ចាន់ ផងដែរ នៅសង្វៀន បាយ័នស្ទឹងមានជ័យចាប់ពីម៉ោង ៧យប់តទៅ៕

អត្ថបទ៖ នួន ស៊ីណា