ផ្អើលអស់អ្នកស្រុក ក្រោយសត្វចៀមមួយក្បាល កើតបានកូនចៀមកាត់មនុស្ស
- 2017-06-23 02:50:17
- ចំនួនមតិ 0 | ចំនួនចែករំលែក 0
ផ្អើលអស់អ្នកស្រុក ក្រោយសត្វចៀមមួយក្បាល កើតបានកូនចៀមកាត់មនុស្ស
ចន្លោះមិនឃើញ
ក្រុមអ្នកស្រុកនៅឯខេត្ត Eastern Cape នៃប្រទេសអាហ្វ្រិកខាងត្បូង បានចោទប្រកាន់គ្នាទៅវិញទៅមក ថាបានធ្វើអំពើអាបធ្មប់ បន្ទាប់ពីមេចៀមមួយក្បាល កើតបានកូនចៀមកាត់មនុស្សដ៏ចម្លែក នៅសប្ដាហ៍នេះ។
ជាមួយគ្នានេះដែរ អ្នកស្រុកមួយចំនួនជឿជាក់ថា មេចៀមនោះកើតបានកូនបិសាច ដោយសារតែវាមានរូបរាងចម្លែក ខុសពីសត្វចៀមធម្មតា ហើយមានក្រញាំជើងស្រួចវែង និងមានស្បែកពណ៌ផ្កាឈូក ទៀតផង។ ទោះបីជាយ៉ាងណា មនុស្សមួយចំនួនជឿជាក់ថា រូបថតកូនចៀមនោះ ជារូបកុហកបោកប្រាស់ ខណៈខ្លះទៀតនិយាយថា វាជាលទ្ធផលនៃការចាក់បញ្ចូល មេជីវិតមនុស្សចូលទៅក្នុងសត្វចៀម។
ផ្ទុយទៅវិញ មន្ត្រីកសិកម្មមកពីមន្ទីរអភិវឌ្ឍន៍ជនបទ របស់ប្រទេសអាហ្វ្រិកខាងត្បូង បានបញ្ជាក់ថា កូនចៀមចម្លែក និងរូបថតនោះ សុទ្ធតែពិតប្រាកដទាំងអស់។ នាយកនៃសេវាពេទ្យសត្វ លោកវេជ្ជបណ្ឌិត Lubabalo Mrwebi ក៏បានបន្ថែមទៀតថា ការធ្វើតេស្តបានអះអាងថា វាគឺជាកូនចៀមពិតប្រាកដមែន បើទោះបីជាវាមានរូបរាងចម្លែកក្ដី។
លោកវេជ្ជបណ្ឌិតខាងលើ បានបញ្ជាក់បន្ថែមថា «វាមិនមែនមនុស្សឡើយ ប៉ុន្តែជាសត្វចៀម ដែលបានឆ្លងមេរោគគ្រុន Rift Valley Fever នៅដំណាក់កាលដំបូងនៃការផើម។ វាមិនមែនជារឿងចម្លែកឡើយ សម្រាប់សត្វដែលឆ្លងមេរោគ នៅដំណាក់កាលដំបូងនៃការផើម។ យើងអាចបញ្ជាក់ថា វាជាសត្វចៀម ហើយក៏មិនមែនជាកូនចៀម ដែលបង្កកំណើតតាមរយៈមេជីវិតរបស់មនុស្សដែរ»៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
