ទាហានបាញ់ស៊ីបកាណាដាម្នាក់ បំបែកឯត្តទគ្គកម្មពិភពលោក ព្រោះ...
- 2017-06-23 03:34:44
- ចំនួនមតិ 0 | ចំនួនចែករំលែក 0
ទាហានបាញ់ស៊ីបកាណាដាម្នាក់ បំបែកឯត្តទគ្គកម្មពិភពលោក ព្រោះ...
ចន្លោះមិនឃើញ
កាលពីពេលថ្មីៗនេះ ទាហានម្នាក់នៃកងទ័ពពិសេសកាណាដា ដែលជាអ្នកបាញ់កាំភ្លើងស៊ីប បានបាញ់សម្លាប់យុទ្ធជន ISIS ម្នាក់នៅចម្ងាយជាង៣ពាន់ម៉ែត្រ ដែលជាចម្ងាយឆ្ងាយបំផុតនៅក្នុងប្រវត្តិសាស្ត្រយោធា។ ប្រតិបត្តិការនេះធ្វើឡើងនៅក្នុងសមរភូមិមួយក្នុងប្រទេសអ៊ីរ៉ាក់។
គ្រាប់កាំភ្លើង បានហោះចេញពីកាណុងកាំភ្លើងស៊ីបម៉ាក McMillan TAC-50 ដោយត្រូវបានបាញ់ចេញពីទីខ្ពស់មួយកន្លែង និងប្រើពេល ១០វិនាទី។ គ្រាប់កាំងភ្លើងនេះ រត់បានចម្ងាយ៣២១៩ ម៉ែត្រ ទៅផ្តាច់ជីវិតយុទ្ធជនISIS ដែលកំពុងវាយប្រហារទៅលើកងទ័ពអ៊ីរ៉ាក់។
អ្នកបាញ់កាំភ្លើងស៊ីប ដែលសុំមិនបញ្ចេញឈ្មោះនេះ បានបំបែកឯតទគ្គកម្មរបស់ទាហានអង់គ្លេស លោក ក្រេក ហារីសុន ដែលបានសម្លាប់ទាហានតាលីបង់ម្នាក់ ដោយកាំភ្លើងស៊ីប 338 Lapua Magnum នៅចម្ងាយ ២៤៧៩ ម៉ែត្រ កាលពីឆ្នាំ ២០០៩។
ការបាញ់សម្លាប់នៅចម្ងាយឆ្ងាយបំផុតទី៣ ត្រូវបានបាញ់ដោយទាហានកាណាដា លោក រ៉ុប ហ្វួឡុង។ គាត់បានបាញ់សម្លាប់ជនសកម្មប្រយុទ្ធអាហ្វហ្គានីស្ថានម្នាក់ នៅចម្ងាយ ២៤៣០ ម៉ែត្រ កាលពីឆ្នាំ២០០៣ ។
កងទ័ពពិសេសកាណាដា ត្រូវបានគេទទួលស្គាល់ថា ជាអ្នកមានជំនាញបាញ់កាំភ្លើងស៊ីបនៅចម្ងាយឆ្ងាយៗ ហើយត្រូវបានចាត់ទុកថាបាញ់ត្រង់បំផុតនៅលើពិភពលោក៕
ប្រភព ៖ KleyKley