ស៊ន សៀវម៉ី ប្រកួតរកមេដាយពិភពលោកថ្ងៃទី២៨ មិថុនានេះហើយ
- 2017-06-23 07:56:29
- ចំនួនមតិ 0 | ចំនួនចែករំលែក 0
ស៊ន សៀវម៉ី ប្រកួតរកមេដាយពិភពលោកថ្ងៃទី២៨ មិថុនានេះហើយ
ចន្លោះមិនឃើញ
កីឡាការិនីឆ្នើមរបស់កម្ពុជានិងជាម្ចាស់មេដាយមាសតេក្វាន់ដូអាស៊ីឆ្នាំ ២០១៤ ស៊ន សៀវម៉ី នឹងត្រូវប្រកួតជាមួយកីឡាការិនីមកពីប្រទេសក្រិកនៅថ្ងៃទី២៨ មិថុនា ឆ្នាំ២០១៧ ក្នុងកម្មវិធី WTF World Taekwondo Championship 2017 ប្រទេសកូរ៉េខាងត្បូង។
តាមការបង្ហាញលើហ្វេសបុករបស់សហព័ន្ធតេក្វាន់ដូកម្ពុជា ឲ្យដឹងថា អត្តពលិកកម្ពុជា៥រូប ដែលបានចូលរួមកម្មវិធីប្រកួតតេក្វាន់ដូពិភពលោក នៅប្រទេសកូរ៉េខាងត្បូងលើវិញ្ញាសាប្រយុទ្ធ រួមមានទី១ កញ្ញា ស៊ន សៀវម៉ីវ ប្រភេទទម្ងន់ ៧៣គីឡូក្រាម ទី២ កញ្ញា ថិប កាសាន់ទ្រេនីកូល ប្រភេទទម្ងន់ ៥៧គីឡូក្រាម ទី៣ កញ្ញា អ៊ុនវ៉ិន សុចិរង្សី ប្រភេទទម្ងន់ ៤៩គីឡូក្រាម ទី៤ លោក វ៉ាន់ ឬទ្ធី ប្រភេទទម្ងន់ ៧៤គីឡូក្រាម និងទី៥ លោក ឈុន សុខឡុង ប្រភេទទម្ងន់ ៦៣គីឡូក្រាម។ ដោយក្នុងនោះ កីឡាការិនី ស៊ន សៀវម៉ី ត្រូវតតាំងជាមួយកីឡាការិនីក្រិក នៅថ្ងៃទី២៨ខាងមុខនេះ ក្នុងប្រភេទទម្ងន់៧៣គីឡូក្រាម។
គូបញ្ជាក់ថាកម្មវិធី WTF World Taekwondo Championship 2017 គឺចាប់ផ្ដើមឡើងពីថ្ងៃទី ២៤ ដល់ ៣០ មិថុនា ឆ្នាំ២០១៧ នៅប្រទេសកូរ៉េខាងត្បូង ដែលមានប្រទេស ១៨៦ ចូលរួមនិងត្រូវជា ១៦០០ កីឡាករ កីឡាការិនី៕