Lan Property ក្លាយជាម្ចាស់ជើងឯកពាន Holy Sport រដូវកាលទី៣

2017-06-26 04:19:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមLan Property បានក្លាយជាម្ចាស់ជើងឯកពានរង្វាន់មិនអាជីព Holy Sport រដូវកាលទី៣ហើយ ក្រោយពីបានយកឈ្នះក្រុម Emerald ក្នុងលទ្ធផល ៤-១ នៅវគ្គផ្ដាច់ព្រ័ត្រ។

រូបថតជុំគ្នា

Holy Sport រដូវកាលទី៣ ដែលមាន១២ក្រុមប្រកួតប្រជែងគ្នានោះ បានបញ្ចប់រដូវកាលរបស់ខ្លួនហើយ ក្រោយពីធ្វើការប្រកួតប្រជែងអស់ពេលជាយូរមកហើយ។ យ៉ាងណាមិញ នៅវគ្គផ្ដាច់ព្រ័ត្រនេះ ក្រុមLan Property និងក្រុមការពារតំណែងជើងឯក Emerald ពិតជាប្រកួតគ្នាស្វិតស្វាញមែនទែន។ តែគួរឱ្យសោកស្ដាយ Emerald ការពារជើងឯកបានទេ ព្រោះ Lan Property ដែលពោរពេញដោយកីឡាករល្អៗនោះ ចាប់បានចំណុចខ្សោយ នឹងយកឈ្នះ Emerald ក្នុងលទ្ធផល ៤-១ តែម្ដង។

ក្រុមលេខ១

ក្រោយចប់ការប្រកួតនេះដែរ លោក ឃុល ភារម្យ អ្នករៀបចំកម្មវិធីប្រកួតបានបង្ហាញចំណាប់អារម្មណ៍ថាការប្រកួតរដូវកាលទី៣នេះ ពិតជាដំណើរការបានល្អ និងទទួលបានជោគជ័យ បើទោះជាក្រុមខ្លះមិនឈ្នះ ប៉ុន្តែពួកគេក៏បានឈ្នះសុខភាពល្អ និងចំណងមិត្តភាពដែរ។ ការប្រកួតបាល់ទាត់គឺដើម្បីសាមគ្គីភាព និងសុខភាពល្អ មិនមែនប្រកួតដើម្បីតែយកឈ្នះនិងចាញ់នោះទេ។ សម្រាប់រដូវកាលក្រោយៗទៀត Holy Sport នឹងចាប់ដំណើរការនៅពេលខាងមុខ។

ក្រុមលេខ២

ចំពោះប្រាក់រង្វាន់លើកទឹកចិត្តសម្រាប់ក្រុមទទួលបានជើងឯកគឺ១លានរៀល អមជាមួយពានរង្វាន់១ និងក្រុមលេខ២បាន៥សែនរៀល។ ក្រៅពីនេះ ក៏នៅមានរង្វាន់លើកទឹកចិត្តដល់អ្នកចាំទីល្អ គ្រូបង្វឹកល្អ កីឡាករឆ្នើម Top Scorer ផងដែរ៕

ចុចអានអត្ថបទបន្ដ៖ El Clásico U-12 Final ស៊ុតគ្នាដូចព្យុះ ចុងក្រោយ Barcelona ឈ្នះ Real ៣-២

សង្គ្រាមពាក្យសម្ដីចាប់ផ្ដើម Hamilton ហៅ Vettel មកជួបគ្នា១ស្មើក្រៅឡាន

អត្ថបទ៖ មុន្នីរម្យ