ឈុតថ្មី KFC តម្លៃក្រោម ១០ ០០០ រៀល ហើយថែមភេសជ្ជៈឲ្យទៀត

2017-06-26 04:45:58
ចំនួនមតិ 0 | ចំនួនចែករំលែក 0

ចន្លោះមិនឃើញ

KFC ក្រុមហ៊ុនលំដាប់ពិភពលោកបានប្រកាសសម្ពោធឈុតអាហារថ្មី Everyday Value Meals ចំនួន ៥ឈុត កាលពីថ្ងៃទី២៤ មិថុនានេះ ដោយ KFC ត្រូវបានក្រុមហ៊ុន Kampuchea Food Corporation នាំចូលមកកម្ពុជា។

លោក Yueanbing Cheah ប្រធានគ្រប់គ្រងទូទៅ KFC បាននិយាយថា៖ “KFC បាននាំយកឈុត Everyday Value Meals ដែលមានមាន់បំពង ៥ ប្រភេទខុសៗគ្នា ជាមួយបាយ ឬឈុតប៊ឺហ្គឺរសាច់មាន់ ដោយឈុតមានតម្លៃសមរម្យជាងគេគឺ ឈុត Bites Rice Combo តម្លៃត្រឹមតែ ១.៩០ដុល្លារ ហើយសម្រាប់ឈុតផ្សេងៗទៀតមានតម្លៃរវាង ២.៥០-២.៩០ដុល្លារ និងមានថែមជូនភេសជ្ជៈ Pepsi ឬ 7-up"។

អ្នកចូលរួមម្នាក់ក្នុងចំណោម ១០គូ ដែល KFC ហៅមកចូលរួម បានបង្ហាញចំណាប់អារម្មណ៍ថា៖ "ខ្ញុំពិតជាសំណាងដែល KFC បានអញ្ជើញខ្ញុំមកកម្មវិធីពិសេសនេះ ហើយខ្ញុំនឹងយកឈុតពិសេសៗទាំងនេះ ទៅចែករំលែកជាមួយមិត្តភ័ក្ដិរបស់ខ្ញុំ"។

នៅទូទាំងពិភពលោក Kentucky Fried Chicken ត្រូវបានគេទទួលស្គាល់លើភាពសម្បូរបែបនៃរសជាតិ ដែលចាប់ផ្តើមជាមួយមាន់បំពងរូបមន្តដើមទាំង ១១ របស់លោក Colonel ក៏ដូចជាការផ្ដល់ជូនរសជាតិពិសេសសម្រាប់ប្រជាជនក្នុងស្រុកផងដែរ៕