ភ្ញាក់ផ្អើលខ្លាំង! កោះដ៏ស្រស់ស្អាតមួយ ផុសចេញពីសមុទ្រ ក្នុងពេលត្រឹមមួយយប់
- 2017-06-28 06:48:00
- ចំនួនមតិ 0 | ចំនួនចែករំលែក 0
ភ្ញាក់ផ្អើលខ្លាំង! កោះដ៏ស្រស់ស្អាតមួយ ផុសចេញពីសមុទ្រ ក្នុងពេលត្រឹមមួយយប់
ចន្លោះមិនឃើញ
ឆ្នេរសមុទ្រ Cape Hatteras National Seashore ដែលស្ថិតនៅក្នុងរដ្ឋ North Carolina សហរដ្ឋអាមេរិក តែងតែធ្វើឲ្យភ្ញៀវទេសចរ មានការភ្ញាក់ផ្អើល ដោយសារតែសម្រស់ដ៏ស្រស់ស្អាតបែបធម្មជាតិរបស់វា។ ប៉ុន្តែឥឡូវនេះ វាកាន់តែពិសេសថែមទៀត បន្ទាប់ពីមានកោះថ្មីមួយ បានផុសចេញពីសមុទ្រ ក្នុងរយៈពេលត្រឹមមួយយប់។
បើយោងតាមសារព័ត៌មាន CNN បានឲ្យដឹងថា អ្នកទេសចរជាច្រើន បានហៅឈ្មោះកោះខាងលើថា «Shelly Island»។ ជាក់ស្ដែង វាជាកន្លែងដ៏ល្អឥតខ្ចោះ សម្រាប់ការដើរប្រមូលសំបកខ្យង។
ទិដ្ឋភាពកោះដ៏ស្រស់ស្អាតខាងលើ ត្រូវបានថតដោយអ្នកថតរូបម្នាក់ មានឈ្មោះថា Chad Koczera។ អ្នកថតរូបម្នាក់នេះ បានប្រទះឃើញកោះដ៏អាថ៌កំបាំងខាងលើ ប៉ុន្តែក្រោយមកបានដឹងថា លោកមិនអាចទៅដល់លើកោះនោះ ដោយការថ្មើរជើងឡើយ។
«ខ្ញុំបានបង្ហោះយន្តហោះគ្មានមនុស្សបើក (Drone) ដើម្បីពិនិត្យមើលវា»។ នេះបើតាមការឲ្យដឹងពី លោក Koczera។ យ៉ាងណាមិញ លោក Koczera ត្រូវបានគេជូនរង្វាន់ ដោយសារតែ រូបថតកោះខ្សាច់ដ៏ស្រស់ស្អាត ដែលលោកបានថតនោះ៕
ចុចអាន៖