យុវជនកូរ៉េ បោះពាក្យចង់ដើរចេញពី Barcelona ប្រសិនមិនបានលេងឈុតធំ

2017-06-28 09:30:12
ចំនួនមតិ 0 | ចំនួនចែករំលែក 0

ចន្លោះមិនឃើញ

Lee Seung-woo កីឡាករវ័យក្មេងរបស់កូរ៉េខាងត្បូងបាននិយាយថា គេអាចនឹងចាកចេញ ប្រសិនបើក្លឹបយក្ស Barcelona មិនទុកឱកាសឲ្យលេងឈុតធំ។

ខ្សែបម្រើប្រយុទ្ធវ័យ១៩ឆ្នាំបានឡើងមកលេងឈុតយុវជន A(Juvenil A) របស់ Barcelona កាលពីរដូវកាលមុន បន្ទាប់ពីបង្ហាញខ្លួនបានយ៉ាងល្អក្នុងឈុតយុវជន B កាលពីរដូវកាល ២០១៥-១៦។ Lee នៅសល់កុងត្រាជាមួយនៅ Camp Nou ដល់ឆ្នាំ២០១៩ ចាប់តាំងចូលរួមជាមួយឈុតយុវជនកាលពី៦ឆ្នាំមុន បន្ទាប់ពីផ្ទេរមកពីក្លឹប Incheon United។

ទោះជាយ៉ាងណាក៏ដោយ លោក Pere Guardiola ដែលជាភ្នាក់ងាររបស់ Lee បានបង្ហើបថា ការផ្លាស់ទៅ Borussia Dortmund អាចកើតមានឡើង។ "បន្ទាប់ពីជួបប្រជុំជាមួយក្រុមនិងស្ដាប់ដំបូន្មានពីមនុស្សផ្សេងទៀត ខ្ញុំនឹងធ្វើការសម្រេចចិត្តដ៏ល្អមួយ តាមដែលអាចធ្វើបាន។ ប្រសិនជាខ្ញុំមិនអាចចូលលេងឲ្យឈុតធំ Barcelona នោះខ្ញុំនឹងរកក្លឹបថ្មីមួយដែលអាចផ្ដល់ជម្រើសល្អមួយដល់ខ្ញុំ។ ប្រសិនខ្ញុំទៅលេងក្លឹបផ្សេងហើយឡើងជើង ខ្ញុំអាចនឹងត្រលប់មក Barcelonaវិញ"។ សម្ដី Lee៕