សាលារៀន K-Pop របស់ ផលិតកម្ម SM នឹងបើកដំណើរការឆាប់ៗនេះហើយ

2017-06-29 02:28:51
ចំនួនមតិ 0 | ចំនួនចែករំលែក 0

ចន្លោះមិនឃើញ

SM Entertainment ដែលជាផលិតកម្មដ៏ល្បីរបស់ប្រទេសកូរ៉េខាងត្បូង ជិតបើកដំណើរការសាលារៀនរបស់ខ្លួនជាផ្លូវការហើយនៅពេលខាងមុខដ៏ខ្លី។

បើតាមប្រភពជិតស្និទ្ធបំផុតរបស់គ្រឹះស្ថានសិក្សាថ្មីនេះ បានបង្ហើបថា ផលិតកម្ម SM គ្រោងនឹងបើកសាលា "K-Pop International School” នៅតំបន់ Gangnam ក្នុងក្រុង សេអ៊ូល នាខែកញ្ញាខាងមុខ។ ថ្នាក់សិក្សានឹងចាប់ផ្ដើមជាមួយសិស្សដែលបានជ្រើសរើសហើយ ចំនួនពី ៥០ ទៅ ១០០នាក់។ យ៉ាងណាក្ដី សាលាក៏មានបំណងបង្កើនចំនួនសិស្សដែរ គឺពី ៣០០ ទៅ ៤០០នាក់។

តារាប្រចាំផលិតកម្ម SM

ចំណែកឯមុខវិជ្ជាជាច្រើនត្រូវបានលើកយកមកបង្រៀន មានដូចជា៖ ភាសាអង់គ្លេស គណិតវិទ្យា ភាសាកូរ៉េ និងផ្សេងៗទៀត។

តាមប្រភពដដែលបាននិយាយទៀតថា៖ "ការជ្រើសរើសសិស្សឲ្យចូលរៀនទាំងសិស្សជាតិ និងអន្តរជាតិ គឺគ្រោងនឹងធ្វើក្នុងខែកក្កដានេះហើយ”។ បច្ចុប្បន្នផលិតកម្ម SM កំពុងស្វែងរកអ្នកជំនាញ ក្នុងសិល្បៈនេះដើម្បីមកធ្វើជាគ្រូបង្រៀននៅសាលារបស់ខ្លួនផងដែរ៕

ចុចអាន៖

ប្រភព៖ Allkpop ប្រែសម្រួល៖ យី សុធារី