អ្នកទេសចរសន្លប់ធំ ក្រោយធ្វើបែកកងដៃដ៏ថ្លៃមិននឹកស្មាន ពេលព្យាយាមពាក់លមើល៍
- 2017-06-29 03:42:36
- ចំនួនមតិ 0 | ចំនួនចែករំលែក 0
អ្នកទេសចរសន្លប់ធំ ក្រោយធ្វើបែកកងដៃដ៏ថ្លៃមិននឹកស្មាន ពេលព្យាយាមពាក់លមើល៍
ចន្លោះមិនឃើញ
អ្នកទេសចរជនជាតិចិន បានសន្លប់ទន់ដៃទន់ជើងចាប់មិនចង់ជាប់ បន្ទាប់ពីយកកងដៃដ៏មានតម្លៃមកពាក់លសាកមើល៍ តែបែរជាធ្វើឲ្យបែកជាពីរកំណាត់ទៅវិញ។
តាមសេចក្ដីរាយការណ៍ ស្ត្រីរូបនេះរស់នៅភាគខាងកើត ខេត្តជាំងស៊ី បានព្យាយាមលកងដៃថ្លើមថ្មក្នុងហាងមួយនៅទីក្រុង Ruili ខេត្តយូណាន ក្បែរព្រំដែនប្រទេសមីយ៉ាន់ម៉ា។ អ្នកស្រីបានឃើញកងដៃនេះស្អាត ហើយបានយកមកពាក់លើ.កដៃ ស្រាប់តែវារអិលចេញពីដៃធ្លាក់ទៅលើកម្រាលឥដ្ឋបែកជាពីរតែម្ដង។
កងដៃថ្លើមថ្មនេះ មានតម្លៃប្រមាណ ៤៤ ០០០ដុល្លារអាមេរិក។ ក្រោយធ្វើឲ្យបែកដោយអចេតនា អ្នកទេសចរដដែលត្រូវម្ចាស់ហាងប្រាប់ធ្វើចិត្តឲ្យស្ងប់ កុំភិតភ័យ តែយ៉ាងណាគាត់ប្រែជាស្លេកស្លាំងខ្លាំង ពេលដឹងតម្លៃរបស់វា។ គ្រួសាររបស់អ្នកស្រីសុខចិត្តបង់ថ្លៃខូចខាតប្រមាណ ១ ៥០០ដុល្លារ តែខាងម្ចាស់ហាងមិនព្រមយក ទាល់តែ ២៥ ០០០ដុល្លារ។ បន្តិចក្រោយមក គាត់ប្រែជាសន្លប់បាត់បង់ស្មារតីនៅមុខអ្នកលក់តែម្ដង។
ប៉ូលិសបានចេញមកអន្តរាគមន៍ ប៉ុន្តែមិនអាចសម្រុះសម្រួលភាគីទាំងពីរបាន រហូតខាងម្ចាស់ហាងត្រៀមនឹងប្ដឹងទៅតុលាការ។ ទោះយ៉ាងណា អ្នកជំនាញខាងត្បូងបានប្រាប់សារព័ត៌មានចិន Sina ថា កងដៃបែបនេះមិនអាចមានតម្លៃដល់ ៤ម៉ឺនដុល្លារទេ ត្រឹមតែ ២៦ ០០០ដុល្លារប៉ុណ្ណោះ៕
ចុចអាន៖
ថ្លើមថ្មទម្ងន់១៧៥តោន តម្លៃជិត១៧០លានដុល្លារ ត្រូវគេជីកឃើញនៅមីយ៉ាន់ម៉ា
មីយ៉ាន់ម៉ាលក់ថ្លើមថ្ម៥៨៩ដុំ បានជាង ៧៧លានដុល្លារ
ម្ចាស់ហាងចិត្តធម៌ ផ្តល់គុយទាវដល់ចាស់ៗ ឥតគិតថ្លៃ ជាង៧ឆ្នាំ ក្រោយជួបរឿង ភ្ញាក់ផ្អើលមួយ