សល់៦សប្ដាហ៍ទៀត La Liga ចាប់ផ្ដើមខណៈស្តាតថ្មី Atl Madrid មិនទាន់រួចរាល់
- 2017-07-05 01:55:32
- ចំនួនមតិ 0 | ចំនួនចែករំលែក 0
សល់៦សប្ដាហ៍ទៀត La Liga ចាប់ផ្ដើមខណៈស្តាតថ្មី Atl Madrid មិនទាន់រួចរាល់
ចន្លោះមិនឃើញ
Atletico Madrid បានបង្ហាញមុខមាត់ថ្មីនៃកីឡដ្ឋាន Wanda Metropolitano របស់ខ្លួនដែលកំពុងស្ថិតក្នុងដំណាក់កាលជួសជុលកែលម្អទ្រង់ទ្រាយធំ។
កីឡដ្ឋានដែលមានចំណុះ ៦៨០០០នាក់ បានសាងសង់ដំបូងបំផុតកាលពីឆ្នាំ១៩៩០ដោយអាជ្ញាធរនៃទីក្រុងម៉ាឌ្រីដ ហើយពេលនេះត្រូវ Atletico យកធ្វើជាកីឡដ្ឋានរបស់ខ្លួនបន្ទាប់ពីកីឡដ្ឋានចាស់ Vicente Calderon ដែលពួកគេប្រើតាំងពី ១៩៦៦ គ្រោងវាយកម្ទេច។
យ៉ាងណាក៏ដោយ ក្រុមហ៊ុនម៉ៅការសាងសង់ឈ្មោះ Fomento de Construcciones មានពេលត្រឹម៦សប្ដាហ៍ប៉ុណ្ណោះដើម្បីបង្ហើយកិច្ចការដែលនៅសល់ខណៈរដូវកាល La Liga ថ្មីនឹងចាប់ផ្ដើមនៅពាក់កណ្ដាលខែក្រោយហើយ។ Atletico មិនទាន់ដឹងថាប្រកួតដំបូងក្លឹបត្រូវលេងក្នុងដី ឬក្រៅដីទេព្រោះ ការចាប់ឆ្នោតគ្រោងធ្វើនៅថ្ងៃទី២០ ខែកក្កដាខាងមុខ៕