ក្រុមភេរវកនៅហ្វីលីពីន កាត់ក្បាលអ្នកនេសាទវៀតណាម ២នាក់
- 2017-07-06 01:44:38
- ចំនួនមតិ 0 | ចំនួនចែករំលែក 0
ក្រុមភេរវកនៅហ្វីលីពីន កាត់ក្បាលអ្នកនេសាទវៀតណាម ២នាក់
ចន្លោះមិនឃើញ
ចំណាប់ខ្មាំងជនជាតិវៀតណាមចំនួន ២នាក់ ត្រូវបានសម្លាប់ដោយកាត់ក្បាលដោយក្រុមសកម្មប្រយុទ្ធ Abu Sayyaf កាលពីព្រឹកថ្ងៃទី៥ ខែកក្កដា ឆ្នាំ២០១៧ នៅក្នុងខេត្ត Basilan លើកោះ Mindanao ភាគខាងត្បូងប្រទេសហ្វីលីពីន។
ចំណាប់ខ្មាំងទាំងពីររូបនោះ មានឈ្មោះថា Hoang Trung Thong និង Hoang Va Hai ដែលជាសមាជិកក្នុងចំណោមសមាជិក ៦នាក់ បម្រើការលើកប៉ាល់ដឹកទំនិញរបស់វៀតណាម MV Royal 16 ។ ពួកគេត្រូវបានក្រុមខាងលើចាប់ខ្លួន តាំងពីខែវិច្ឆិកានៅក្បែរខេត្ត Basilan ។
សាកសព ត្រូវបានកងកម្លាំងសមត្ថកិច្ច បានប្រទះឃើញនៅក្នុងលំនៅឋានក្នុងភូមិ Tumahubong ទីក្រុង Sumisip ខេត្ត Basilan ដែលត្រូវបានស្គាល់ថាជាបន្ទាយរបស់ក្រុម Abu Sayyaf ។
មេបញ្ជាការកងកម្លាំងប្រដាប់អាវុធ លោកឧត្តមសេនីយ៍ឯក Carlito Galvez បានឲ្យដឹងថា កងកម្លាំងរបស់លោកបានព្យាយាមជួយសង្គ្រោះចំណាប់ខ្មាំងទាំងអស់ដែលត្រូវបានចាប់ដោយក្រុមខាងលើ។ គេជឿថា ជនជាតិវៀតណាមចំនួន ៣នាក់ទៀតកំពុងស្ថិតក្នុងដៃរបស់ក្រុមនេះនៅឡើយ។ ចំណែកម្នាក់ទៀត ត្រូវបានជួយសង្គ្រោះ កាលពីខែមុន៕