១១ សំណួរ-ចម្លើយ អ្នកគួរដឹងអំពីការពត់ធ្មេញ
- 2017-07-07 00:30:00
- ចំនួនមតិ 0 | ចំនួនចែករំលែក 0
១១ សំណួរ-ចម្លើយ អ្នកគួរដឹងអំពីការពត់ធ្មេញ
ចន្លោះមិនឃើញ
ទំនោរនៃការពត់ធ្មេញនៅកម្ពុជា មានស្ទុះឡើងខ្លាំង ក្នុងរយៈពេលបួនប្រាំឆ្នាំចុងក្រោយនេះ ដូច្នេះ Sabay សូមលើកយកចំណុចសំខាន់ខ្លះៗ ដែលប្រិយមិត្តគួរយល់ដឹង តាមរយៈការលើកឡើង របស់លោកវេជ្ជបណ្ឌិត Amir Teymoortashloo ជនជាតិអ៊ីរ៉ង់។ អ្នកឯកទេសពត់ធ្មេញ មកពីមន្ទីរពេទ្យព្យាបាលធ្មេញបស្ចិមរូបនេះ ថ្លែងយ៉ាងដូច្នេះថា៖
១. តើត្រូវពិនិត្យលើអ្វីខ្លះមុនពត់ធ្មេញ? ពិគ្រោះយោបល់ ថត X-ray មើលទម្រង់មុខ ធ្មេញ និងថ្គាម
ជាដើម។
២. ការពត់ធ្មេញគិតពីអាយុដែរឬទេ? មិនគិតអាយុទេ ខណៈអ្នកជំងឺរបស់លោក Amir មានចាប់ពីអាយុ ៧ឆ្នាំ (លើកលែងក្មេងមិនអាចធ្វើបាន) ដល់ ៦០ឆ្នាំ ឱ្យតែអ្នកជំងឺមានសុខភាពមាត់ធ្មេញល្អ។
៣. ធ្មេញចន្លោះខ្មោចប្រើពេលពត់ប៉ុន្មានខែ? ធ្មេញចន្លោះខ្មោច ប្រើរយៈពេល ១ឆ្នាំ ទៅ ១ឆ្នាំបីខែ ឬលើស អាស្រ័យតាមប្រភេទធ្មេញ។
៤. ការពត់ធ្មេញប្ដូរទម្រង់មុខដែរឬទេ? ពិតធ្វើឱ្យផ្លាស់ប្ដូរទម្រង់មុខ ដូច្នេះហើយមន្ទីរពេទ្យមួយចំនួន តម្រូវឱ្យអ្នកជំងឺ ពាក់ប្រដាក់ទប់ធ្មេញ ២៤ម៉ោង រីឯខ្លះទៀតពាក់តែពេលយប់ ដើម្បីកុំឱ្យធ្មេញដើរ ប៉ុន្តែត្រូវមកជួបអ្នកឯកទេសរាល់ ២ខែម្ដង។
៥. ស្ត្រីមានផ្ទៃពោះអាចពត់ធ្មេញដែរឬទេ? មិនអាចទេ ព្រោះត្រូវអាចប្រើ X-ray ដែលអាចប៉ះពាល់ដល់កូនក្នុងផ្ទៃ ប៉ុន្តែស្ត្រីអាចមានផ្ទៃពោះ អំឡុងពេលពត់ធ្មេញបាន ដោយគ្មានបញ្ហាអ្វីឡើយ។
៦. ត្រូវតប់អ្វីខ្លះ? ស្វាយខ្ចី ផ្លែប៉ោម ការ៉ុត ត្រសក់ ពុទ្រា របស់រឹង។ បើចង់អោយធ្មេញ ស ដូចធម្មជាតិ កុំពិសាភេសជ្ជៈពណ៌ ដូចជា Cocacolaនិង Pepsi។
៧. ពត់ធ្មេញធ្វើឱ្យធ្មេញ ស ដែរឬទេ? មិនធ្វើឱ្យធ្មេញ ស ឡើយ តែអាចប្រើ Baking Soda ដុះជារង្វង់ ២ដងក្នុង១សប្ដាហ៍។ បើប្រើច្រើនពេក នឹងធ្វើឱ្យធ្មេញពុក។
៨. ពេលពត់មានអ្វីចូលធ្មេញដែរឬទេ? មាន! ត្រូវដុសធ្មេញឱ្យបានយូរ និងច្រើនដងជាងសព្វដង។ ឱ្យអ្នកឯកទេសជួយសម្អាតបន្ថែម ដើម្បីឱ្យសុខភាពមាត់ធ្មេញល្អ ព្រោះដុសខ្លួនឯង មិនស្អាតល្អនោះទេ។
៩. ធ្មេញទន្សាយអាចពត់បានទេ? បើមានតធ្មេញទន្សាយ ត្រូវឈូសចោល ឬឈូសចោលបន្តិច ដើម្បីមើលទ្រង់ទ្រាយធ្មេញជាក់ស្ដែង។
១០. បើមានធ្មេញចំទើស ត្រូវដក់ចេញឬយ៉ាងណា? ធ្មេញគ្មានសណ្ដាប់ធ្លាប់ កើតឡើងដោយសារ ទទួលហ្សែនពីឪពុកម្ដាយ។ មន្ទីរពេទ្យខ្លះ តម្រូវឱ្យដកធ្មេញយ៉ាងតិច៤ ដើម្បីពត់ធ្មេញឱ្យស្មើវិញ ប៉ុន្តែមន្ទីរពេទ្យខ្លះ មិនតម្រូវនោះទេ។
១១. ការពត់ធ្មេញមានអត្ថប្រយោជន៍អ្វីខ្លះ? ស្រួលទំពាអាហារ ស្រួលសំអាត សុខភាពមាត់ធ្មេញល្អ និងមានស្នាមញញឹម ពោរពេញដោយភាពជឿជាក់។
១២. ពត់តម្លៃប៉ុន្មាន? អាស្រ័យលើបញ្ហារបស់អ្នកជំងឺ ឬតាមសេវាផ្សេងៗ។ ការចំណាយប្រហែលខ្ទង់ ៨០០ ដុល្លារ ដល់ជាង ៣ពាន់ដុល្លារអាមេរិក៕