ខ្លះៗពីគ្រាប់មីស៊ីលឆ្លងទ្វីបរបស់កូរ៉េខាងជើង អាចបាញ់ដល់អាមេរិក
- 2017-07-07 04:07:37
- ចំនួនមតិ 0 | ចំនួនចែករំលែក 0
ខ្លះៗពីគ្រាប់មីស៊ីលឆ្លងទ្វីបរបស់កូរ៉េខាងជើង អាចបាញ់ដល់អាមេរិក
ចន្លោះមិនឃើញ
គ្រាប់មីស៊ីលឆ្លងទ្វីបបានល្បីឈ្មោះសារជាថ្មីម្ដងទៀត បន្ទាប់ពីប្រទេសកូរ៉េខាងជើងបានសាកល្បងបាញ់គ្រាប់មីស៊ីល (ហៅកាត់ ICBM) នេះបានសម្រេចកាលពីថ្ងៃអង្គារកន្លងទៅ។ តទៅនេះនឹងបង្ហាញជូនខ្លះៗអំពីគ្រាប់មីស៊ីលឆ្លងទ្វីបរបស់កូរ៉េខាងជើង ដែលបានបង្កការព្រួយបារម្ភដល់ប្រទេសមហាអំណាចជាច្រើន៖
១. អ្វីទៅជាគ្រាប់មីស៊ីលឆ្លងទ្វីប?
វាជារ៉ុកកែត ដែលជាធម្មតាមានសណ្ឋានជារ៉ុកកែតពីនៅពីលើគ្នា រចនាឡើងដើម្បីផ្ដាច់ខ្លួនចេញពីគ្នាតាមដំណាក់កាល។ វាមានសមត្ថភាពអាចផ្ទុកអាវុធមួយបានក្នុងរយៈចម្ងាយលើស ៨ ៨៥០ គ.ម។
២. ហេតុអ្វីត្រូវខ្វល់ពីវា?
ដោយសារតែវាអាចនាំយកអាវុធនុយក្លេអ៊ែរបានដល់មុខផ្ទះរបស់អ្នក។ ប៉ុន្តែមានប្រទេសតែ ៧ ប៉ុណ្ណោះក្នុងពិភពលោកដែលធ្លាប់បង្កើតបានបច្ចេកវិទ្យានេះរួមមាន សហរដ្ឋអាមេរិក, សហភាពសូវៀត (បច្ចុប្បន្នជាប្រទេសរុស្សី), ចិន, បារាំង, អ៊ីស្រាអ៊ែល, ឥណ្ឌា និង កូរ៉េខាងជើង។ មានមូលហេតុ ៣ ដែលមានប្រទេសតិចតួចផលិតបច្ចេកវិទ្យានេះ ទីមួយគឺពិបាកផលិតផល ទីពីរ ប្រទេសមួយត្រូវការបច្ចេកវិទ្យានេះប្រសិនបើពួកគេមានអាវុធនុយក្លេអ៊ែរ និង មានហេតុផលយុទ្ធសាស្ត្រដើម្បីប្រើវា និង ទីបី ការបំពាក់គ្រឿងផ្ទុះធម្មតាដែលមិនមែនជាអាវុធនុយក្លេអ៊ែរ ជាមួយ នឹង ICBM បានក្លាយជាវិធីសាស្ត្រគ្មានប្រសិទ្ធភាពក្នុងការធ្វើសង្គ្រាម។
៣. ហេតុអ្វី ICBM ពិបាកផលិត?
ការផលិតផល ICBM ពិបាកព្រោះកម្លាំងដែលត្រូវការដើម្បីរុញវត្ថុទំហំធំចេញពីបរិយាកាសគឺច្រើនលើសលប់ ហើយដើម្បីបាញ់បញ្ជូនវាក៏ទាមទារឲ្យមានសមត្ថភាពវិស្វកម្មដ៏ស្មុគស្មាញទៀតផង។ ក្បាលនុយក្លេអ៊ែរគឺមានទម្ងន់ធ្ងន់ ហើយដោយសារតែវាត្រូវហោះនៅរយៈចម្ងាយឆ្ងាយ បញ្ហាគឺកាន់តែរីកធំបើធៀបនឹងប្រព័ន្ធមីស៊ីលរយៈចម្ងាយជិត។
៤. សមត្ថភាពផលិត ICBM របស់កូរ៉េខាងជើងខ្លាំងកម្រិតណា?
គួររំលឹកថាមីស៊ីល Redstone របស់អាមេរិកបានបរាជ័យចំនួន ៩ ដង ក្នុងចំណោមការសាកល្បង ១០ ដង។ ចំណែកឯកូរ៉េខាងជើងវិញមានកំណត់ត្រាបរាជ័យ និង ជោគជ័យលាយបញ្ចូលគ្នាលើការផលិតមីស៊ីលដោយខ្លួនឯង។ កាលពីឆ្នាំ ២០០០ ជនបង្កប់របស់អាមេរិកបានព្យាករណ៍ថាកូរ៉េខាងជើងអាចនឹងមាន ICBM ត្រឹមឆ្នាំ ២០១៥ ប៉ុន្តែប្រទេសនេះបានពន្យារពេលការសាកល្បងមីស៊ីលរបស់ខ្លួនជាច្រើនលើក។
៥. កូរ៉េខាងជើងអាចផលិត ICBM ពិតប្រាកដមួយបានឬនៅ?
ការដែលមីស៊ីលកូរ៉េខាងជើងសាកល្បងបាញ់សាកល្បងកាលពីថ្ងៃអង្គារកន្លងទៅ អាចបាញ់ឡើងដល់កម្ពស់ដ៏ខ្ពស់មួយ អំឡុងពេលនៃការបាញ់រយៈពេល ៣៩ នាទី គេអាចកំណត់បានយ៉ាងច្បាស់ថា Hwasong-14 (ជាឈ្មោះមីស៊ីល) ជាមីស៊ីលឆ្លងទ្វីបដែលអាចបាញ់ដល់រដ្ឋអាឡាស្កា សហរដ្ឋអាមេរិក។ Han Min-koo មន្ត្រីក្រសួងការពារជាតិនៃកូរ៉េខាងត្បូងបាននិយាយថាការសាកល្បងនេះមិនបានផ្ដល់ភស្តុតាងច្បាស់លាស់ថាកូរ៉េខាងជើងខ្លាំងលើបច្ចេកវិទ្យានេះនៅឡើយទេ៕
ចុចអាន៖