"រៀបការឡូយ អស់លុយតិច" កុំភ្លេចពិព័រណ៍អាពាហ៍ពិពាហ៍

2017-07-11 08:57:12
ចំនួនមតិ 0 | ចំនួនចែករំលែក 0

ចន្លោះមិនឃើញ

"រៀបការការឡូយ អស់លុយតិច" គឺជាប្រធានបទសំខាន់ សម្រាប់ពិព័រណ៍អាពាហ៍ពិពាហ៍លើកទី២ ក្នុងឆ្នាំ ២០១៧នេះ។ នេះបើតាមការឱ្យដឹងពីលោក សេង ពិសិដ្ឋ នាយកប្រតិបត្តិក្រុមហ៊ុនអនុស្សាររៀបចំ ពិព័រណ៍ បានប្រាប់ឱ្យដឹងក្នុងសន្និសីទសារព័ត៌មានកាលពីព្រឹកមិញនេះ។

ពិព័រណ៍អាពាហ៍ពិពាហ៍លើកទី២ នឹងធ្វើឡើងនៅកោះពេជ្រនៅថ្ងៃទី ២២ ២៣ ខែកក្កដា នេះចាប់ពីវេលាម៉ោង ៨ព្រឹក រហូតដល់ម៉ោង ៩យប់។ លោក សេង ពិសិដ្ឋ បានឱ្យដឹងថា ពិព័រណ៍ដ៏ធំប្រចាំឆ្នាំនេះ នឹងមានការដើរបង្ហាញម៉ូតសំលៀកបំពាក់បែបប្រពៃណី បុរាណ សម័យ របស់កូនកំឡោះ ក្រមុំសម្រាប់ថ្ងៃរៀបអាពាហ៍ពិពាហ៍ដ៏សម្បូរបែប។ លើសពីនេះទៀតអ្វីដែលកាន់តែពិសេសនោះ ក៏មានសម្ដែងកម្មវិធីសំខាន់មួយចំនួន ក្នុងពិធីរៀបអាពាហ៍ពិពាហ៍ដូចជា ពិធីចូលម្លប់ របាំជូនពរ របាំសហសម័យ និងការប្រគំភ្លេងបុរាណជាដើម។

អ្នកត្រៀមចូលរោងការទាំងអស់ អាចប្រមូលបាននូវគំនិតល្អៗ ស្ដីពីការរៀបចំមង្គលការ យល់ដឹងពីរបៀបក្នុងការជ្រើសរើសសម្ភារៈ និងផ្គត់ផ្គង់សេវាកម្មមង្គលការ ទទួលបានការប្រឹក្សាយោបល់ពីការដេគ័រឆាក ការតុបតែងលម្អកន្លែងថតរូប ការតុបតែងមុខរោងជាដើម។ ជាពិសេសនោះមានក្រុមហ៊ុនជាច្រើននឹងធ្វើការបញ្ចុះតម្លៃសេវាកម្មពាក់ព័ន្ធនឹងមង្គលការចាច់ ១៥% ទៅ ២០% ទៀតផង។

ពិព័រណ៍អាពាហ៍ពិពាហ៍នេះ នឹងផ្ដល់ភាពងាយស្រួលដល់អនាគត គូស្វាមីភរិយា ដែលកំពុងរៀបចំមង្គលការក្នុងការការជ្រើសរើសអ្នកផ្គត់ផ្គង់សម្ភារៈ សំលៀកបំពាក់ សំអាងការតុបតែង ថតរូប ពិធីការផ្សេងៗ ឱ្យទទួលបានមង្គលការដ៏អស្ចារ្យ កាត់បន្ថយពេលវេលា និងចំណេញថវិកា។ ដូច្នេះកុំភ្លេចដឹកដៃអនាគតគូជីវិតទៅកម្មវិធីនេះទាំងអស់គ្នា៕

អត្ថបទ៖ វឌ្ឍនៈ