មិនធម្មតា ទូច ស្រីល័ក្ខណ៍ មានមហិច្ឆតាច្រើនមហិមាលើវិស័យសិល្បៈ

2017-07-12 06:33:30
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្បុរស្រអែមស្រស់ មុខសឹងចាប់ច្រឡំឥណ្ឌា អ្នកនាងទូច ស្រីល័ក្ខណ៍ ពិតជាមានក្ដីប្រាថ្នាចាប់យកជំនាញច្រើនយ៉ាងក្នុងវិស័យសិល្បៈ។

ម្ចាស់បទ "សុភមង្គលមិនឋិតលើលុយមួយមុខ" រូបនេះបានប្រាប់ Sabay ថា ខ្លួនមានបំណងប្រាថ្នាច្រើនយ៉ាងក្នុងវិស័យសិល្បៈ ហើយពេលបច្ចុប្បន្ននេះនាងកំពុងតែដើរទៅរកវាជាបណ្ដើរៗហើយ។ ក្នុងដំណើរផ្លូវនេះ ខ្លះបានដើរទៅដល់ហើយ ហើយខ្លះទៀតកំពុងត្រៀមឆ្ពោះទៅរកវា។

អ្នកនាង ទូច ស្រីល័ក្ខណ៍ មិនគ្រាន់តែចង់ធ្វើត្រឹមតារាសម្ដែង តារាចម្រៀង និងតារាបង្ហាញម៉ូដប៉ុណ្ណោះទេ តែស្រីស្រស់រូបនេះថែមទាំងចង់រៀនច្រៀងកាត់សក់ថែមទៀតផង។

“ខ្ញុំចង់ច្រៀងច្រើនជាង ព្រោះកាលខ្ញុំចូលសិល្បៈដំបូងហ្នឹង ខ្ញុំជាប់លេខ១ ផ្នែកចម្រៀងបុរាណ តែបងប្អូនគាត់ស្គាល់ខ្ញុំតាមរយៈការសម្ដែងច្រើនជាងការច្រៀង អ៊ីចឹងខ្ញុំចង់ចាប់យកទាំងច្រៀង ទាំងសម្ដែង ទាំងបង្ហាញម៉ូដ បើសិនជាអាចខ្ញុំនឹងរៀនច្រៀងកាត់សក់ទៀត”៕