មួយឈុតពី ស៊ីន យូប៊ីន សាមញ្ញៗមែន តែបើដឹងតម្លៃវិញញាក់សាច់ហ្មង!

2017-07-12 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងកម្មវិធីគម្រប់ខួប២ឆ្នាំរបស់ស្ថានីយទូរទស្សន៍ PNN នាពេលកន្លងទៅ តារាសម្ដែងវ័យក្មេង ស៊ីន យូប៊ីន បានបង្ហាញខ្លួនជាមួយឈុតសាមញ្ញមួយឈុត តែបើដឹងពីតម្លៃវិញពិតភ្ញាក់ផ្អើលមិនខាន។

អ្នកចាត់ការផ្ទាល់ខ្លួនរបស់តារាស្រីរូបនេះបានបង្ហើបថា ឈុតសំលៀកបំពាក់របស់ យូប៊ីន មើលទៅហាក់សាមញ្ញមែន តែថ្លៃថ្នូរ ហើយបើនិយាយពីតម្លៃវិញ សរុបត្រួសៗគឺក្បែរ ៣០០០ ដុល្លារ ឯណោះ។

អ្នកចាត់ការដែលសុំមិនបញ្ចេញឈ្មោះខាងលើបន្តថា គ្រាន់តែគ្រឿងអលង្ការធ្វើពីពេជ្រសុទ្ធដែលមានដូចជា ក្រវិល ខ្សែក និងចិញ្ចៀននេះ មានតម្លៃសរុបជាង២ពាន់ដុល្លារ កាបូបយួរដៃ ជិត៤រយដុល្លារ ដែលសុទ្ធតែជាម៉ាក់ Jestina របស់កូរ៉េ ស្បែកជើងកែងម៉ាក LYN តម្លៃ១០០ ដុល្លារ និងរ៉ូបពណ៌ផ្កាឈូកដ៏ស្រស់ស្អាតតម្លៃ១០០ ជាម៉ាក Love Bonito របស់សិង្ហបុរី។

ក្នុងនោះ នាងបញ្ជាក់ថា ការចំណាយច្រើនទៅលើសម្លៀកបំពាក់បែបនេះ យូប៊ីន ធ្វើតែសម្រាប់កម្មវិធីធំៗប៉ុណ្ណោះ បើសម្រាប់កម្មវិធីធម្មតា ឬ ដំណើរកម្សាន្តវិញ នាងប្រើតែសម្ភារៈតម្លៃសមរម្យតែប៉ុណ្ណោះ៕