តោះ! មកមើលការសម្តែងល្ខោនត្រាប់ខ្មែរ ធានាថាប្លែកភ្នែក ប្លែកអារម្មណ៍ (វីដេអូ)
- 2017-07-20 07:59:58
- ចំនួនមតិ 0 | ចំនួនចែករំលែក 0
តោះ! មកមើលការសម្តែងល្ខោនត្រាប់ខ្មែរ ធានាថាប្លែកភ្នែក ប្លែកអារម្មណ៍ (វីដេអូ)
ចន្លោះមិនឃើញ
ប្រិយមិត្តប្រហែលជាធ្លាប់បានមើលល្ខោនខោល ល្ខោនបាសាក់ ល្ខោនស្បៃតូចស្បៃធំ និងល្ខោនមួយចំនួនទៀត តែប្រហែលជាមិនធ្លាប់បានមើល"ល្ខោនត្រាប់" របស់ខ្មែរបានច្រើនប៉ុន្មានទេ ដូច្នេះសាកមើលម្ដងមើល ធានាថាពិតជាប្លែក។
ក្នុងការប្រឡងបញ្ចប់ស្នាដៃថ្នាក់បរិញ្ញាបត្រ លោក ឈួន ឧត្ដម បានជ្រើសរើសល្ខោនត្រាប់មកសម្ដែង។ ភាពក្រមិចក្រមើម រួមទាំងកាយវិការត្រាប់តាមដូចពិតៗ បានបង្កើតជាផ្ទាំងទស្សនីយភាពដ៏អស្ចារ្យ ធ្វើឱ្យគណៈអធិបតី និងអ្នកទស្សនាមានការចាប់អារម្មណ៍យ៉ាងខ្លាំង។
ត្បិតផ្ទាំងទស្សនីយភាពមួយនេះបានបង្កើតការចាប់អារម្មណ៍ខ្លាំងក្នុងការសម្ដែងលើកនេះ ប៉ុន្តែ កីឡាករល្បុក្កតោ និងតៃក្វាន់ដូ រូបនេះបានបញ្ជាក់ថា"ល្ខោនត្រាប់"នេះ ស្ទើរតែបាត់បង់ទៅហើយបន្ទាប់ពីល្ខោនខោលដោយមិនមានអ្នកចាប់អារម្មណ៍ និងមិនមានការផ្សព្វផ្សាយបានទូលំទូលាយ។
ចង់ដឹងថាល្ខោនត្រាប់ មានការខុសប្លែកពីល្ខោនដទៃទៀតយ៉ាងណានោះ តោះ មកមើលវីដេអូទាំងអស់គ្នា!
បើតាមសិល្បៈកររូបនេះ ល្ខោនត្រាប់គឺជាល្ខោនរបស់បស្ចិមប្រទេស តែខ្មែរបានយកមកច្នៃឱ្យចេញជាដំណើរខ្មែរ។ ល្ខោននេះបានចូលមកកម្ពុជាតាំងពីយូរមកហើយ តែនៅឆ្នាំ១៩៨០ គ្រូមួយចំនួនចាប់ផ្ដើមបង្ហាត់បង្រៀនសាជាថ្មី៕