កម្មវិធីទស្សនាខ្សែភាពយន្តដ៏សម្បូរបែបទី១ របស់កម្ពុជា បានមកដល់ហើយ

2017-07-14 11:23:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ទស្សនិកជនកម្ពុជាដែលនិយមចូលចិត្តទស្សនាខ្សែភាពយន្តទាំងឡាយ អាចរីករាយទស្សនាភាពយន្ត និង រឿងភាគល្បីៗ ⁣រាប់ពាន់ម៉ោងដែលផលិតនៅប្រទេសកម្ពុជា ថៃ កូរ៉េខាងត្បូង និងប្រទេសល្បីៗដទៃទៀត បាននៅគ្រប់ទីកន្លែង គ្រប់ពេលវេលា និងលើគ្រប់ឧបករណ៍នានា។

កម្មវិធី SOYO ដែលទទួលបានការគាំទ្រពី ក្រុមហ៊ុន Sabay Digital Corporation គឺជាប្រព័ន្ធវីដេអូអនឡាញ ប្រើប្រាស់តាមប្រព័ន្ធអ៊ីនធឺណែត ជាតម្រូវការអ្នកទស្សនាក្នុងប្រទេសកម្ពុជា ហើយផ្តល់ជូននូវខ្សែភាពយន្តក្នុងស្រុក អន្តរជាតិ កម្មវិធីទូរទស្សន៍ និងរឿងភាគជាច្រើន ដែលកែសម្រួលជាភាសាខ្មែរ (សំឡេង និងអក្សរខ្មែរ) សម្រាប់ទស្សនិកជនកម្ពុជា។

លោក ស៊ុត ឈាងឡេង នាយកគ្រប់គ្រងផ្នែកអាជីវកម្មរបស់ SOYO បាននិយាយថា៖ "ក្រុមហ៊ុនរបស់យើងរំភើបយ៉ាងខ្លាំងក្នុងការឈានចូលក្នុងទីផ្សារដែលកំពុងតែលូតលាស់យ៉ាងឆាប់រហ័សនេះ ហើយមានអ្នកចូលចិត្តទស្សនារឿង និងកម្មវិធីកម្សាន្តជាច្រើនកើនឡើងពីមួយថ្ងៃទៅមួយថ្ងៃ។ កម្មវិធីរបស់យើង នឹងជួយធ្វើឱ្យអតិថិជន SOYO នៅកម្ពុជាទាំងអស់អាចទទួលយកបទពិសោធន៍ថ្មីៗក្នុងការទស្សនាខ្សែភាពយន្ត និងរឿងភាគពីប្រទេសកម្ពុជា ថៃ កូរ៉េ និងប្រទេសល្បីដទៃៗទៀត។"

ខ្សែភាពយន្ត និងវីដេអូថ្មីៗរបស់ SOYO នឹងត្រូវធ្វើការដាក់បញ្ចូលរៀងរាល់សប្ដាហ៍ និងរៀងរាល់ខែ ហើយអាចរកបាននៅលើប្រព័ន្ធ Android និងតាមកម្មវីធីរុករកលើអ៊ីនធឺណែត។ អតិថិជន SOYO ដែលទើបនឹងចុះឈ្មោះ នឹងត្រូវបានផ្តល់ជូននូវកញ្ចប់វីដេអូ មើលដោយឥតគិតថ្លៃ ដែលមាននៅលើ SOYO។

ដើម្បីចូលប្រើ និង មើលគ្រប់រឿងទាំងអស់ អ្នកប្រើត្រូវចុះឈ្មោះដោយគ្រាន់តែដាក់លេខទូរស័ព្ទ និង ទិញគម្រោងដែលផ្តល់ជូនតាមចំណង់ចំណូលចិត្តរបស់អ្នកប្រើប្រាស់។ បច្ចុប្បន្ន SOYO ផ្តល់ជូននូវការទិញជាប្រចាំបីប្រភេទ គឺ ប្រចាំថ្ងៃមានតម្លៃ ៨០០ រៀល (0.19 ដុល្លារ) ប្រចាំសប្តាហ៍មានតម្លៃ ៤ ,០០០ រៀល (0.99 ដុល្លារ) និងប្រចាំខែមានតម្លៃ ១២ ,០០០ រៀល (2.99 ដុល្លារ)។ ការទិញកញ្ចប់ទាំងអស់នេះ អាចធ្វើការទូទាត់តាមរយៈ Sabay Coin, Cellcard, Smart, Metfone, អេស៊ីលីដា, Pay & Go, និង Wing ជាដើម។

សូមចូលទៅកាន់ https://soyo.sabay.com ឬទាញយកកម្មវិធី 'SOYO' ពី Google Play ដើម្បីចុះឈ្មោះ។ សូមរីករាយជាមួយខ្សែភាពយន្ត រឿងភាគទូរទស្សន៍ដ៏សម្បូរបែបនៅគ្រប់ទីកន្លែង គ្រប់ពេលវេលា និងលើគ្រប់ឧបករណ៍។

នៅពេលអ្នកប្រើប្រាស់បានចូលក្នុងប្រព័ន្ធ SOYO ដែលជាកម្មវិធីនាំមុខគេខាងផ្នែកកម្សាន្តបែបបច្ចេកវិទ្យា នោះលោកអ្នកនឹងអាច៖

ទស្សនាភាពយន្តលើទូរស័ព្ទ, ឧបករណ៍ tablet នានា, និងកម្មវិធី Internet browser ផ្សេងៗ
អាចប្រើប្រាស់ Chromecast និង AirPlay ជាមួយកម្មវិធី SOYO
ទស្សនាយ៉ាងត្រជាក់ភ្នែកជាមួយ Full HD resolution ដ៏ច្បាស់
ទទួលបានខ្សែភាពយន្តថ្មីៗ ដែលនឹងធ្វើការបញ្ចូលចូលក្នុង SOYO ជាញឹកញាប់
ទទួលបានខ្សែភាពយន្តដ៏ថ្មីសន្លាង ដែលនឹងដាក់បញ្ចូលតែនៅលើ SOYO ប៉ុណ្ណោះ
ទស្សនាកម្មវិធីវីដេអូភាពយន្តមួយចំនួនឥតគិតថ្លៃ
ទស្សនាភាពយន្ត ឬវីដេអូមានសំឡេងជាភាសាខ្មែរក្នុងភាពយន្តនិងវីដេអូ
ទស្សនាភាពយន្ត ឬវីដេអូមានអក្សរបកប្រែជាភាសាខ្មែរនិងអង់គ្លេស