ជួបគ្នាចុងក្រោយ Floyd ពាក់នាឡិកាជាង១លានដុល្លារ តែត្រូវ Conor អង្អែលក្បាលលេង
- 2017-07-15 02:14:53
- ចំនួនមតិ 0 | ចំនួនចែករំលែក 0
ជួបគ្នាចុងក្រោយ Floyd ពាក់នាឡិកាជាង១លានដុល្លារ តែត្រូវ Conor អង្អែលក្បាលលេង
ចន្លោះមិនឃើញ
ការតតាំងគ្នានៅមុខអ្នកគាំទ្ររវាងកីឡាករ Floyd Mayweather និងConor McGregor បានបញ្ចប់ហើយនៅទីក្រុងឡុងប្រទេសអង់គ្លេស ក្រោយពីពួកគេបានឆ្លងកាត់ទីក្រុងធំៗចំនួន៣រួចមកនៅអាមេរិក (Los Angeles Toronto New York City)។
ក្នុងការជួបគ្នាជាលើកចុងក្រោយនេះដែរ Floyd បានបង្ហាញពីគ្រឿងអលង្ការរបស់ខ្លួនដោយគ្រាន់តែនាឡិកាពាក់នៅនឹងដៃនោះ មានតម្លៃដល់ទៅ១,៤លានដុល្លារទៅហើយ។ តែយ៉ាងណាមិញ ការបង្ហាញមាសប្រាក់នេះ មិនបានធ្វើឱ្យ Conor ខ្វល់នោះទេ ផ្ទុយទៅវិញរូបគេបែរជាហៅកីឡាករអាមេរិកថាជាមនុស្សល្ងង់ថែមទៀត។ លើសពីនេះ រូបគេនៅតែសន្យាដដែលថានឹងផ្ដួលកីឡាករមិនដែលចាញ់ម្នាក់នេះ ឱ្យសន្លប់នៅត្រឹមទឹក៤ដដែល។
អ្វីដែលកាន់តែនឹកស្មានមិនដល់នោះ គឺ Conor បានដើរទៅកាន់ក្បាលរបស់ Floyd ថែមទៀតផងនៅមុខអ្នកគាំទ្រនៅទីក្រុងឡុង ដែលនេះពិតជារឿងមួយធ្វើឱ្យមហាជននឹកស្មានមិនដល់មែន។ មិនមែនត្រឹមតែកាន់មួយភ្លែតទេ ប៉ុន្តែនេះគឺ Conor កាន់បង្វិលលេងតែម្ដង។
សូមបញ្ជាក់ថាការប្រកួតរវាងកីឡាករទាំងពីរខាងលើនេះ នឹងធ្វើឡើងនៅថ្ងៃទី២៦ខែសីហាឆ្នាំ២០១៧ខាងមុខនេះ នៅទីក្រុង Las Vegas សហរដ្ឋអាមេរិក៕
ចុចអានអត្ថបទបន្ដ៖
ស្គាល់ទីលានបាល់ទាត់សំខាន់ៗ៣ ត្រៀមស្វាគមន៍ស៊ីហ្គេមឆ្នាំនេះ
លើកមុនចង្អុលមុខ លើកនេះ Floyd ជះលុយកណ្ដាលមុខ McGregor