មកស្គាល់រណ្តៅទឹក និងបឹងមរណៈទាំង១០ គ្រោះថ្នាក់បំផុត លើពិភពលោក

2017-07-16 01:24:45
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សភាគច្រើនចូលចិត្តដើរលេងកម្សាន្តនៅតំបន់ដែលមានទឹកខ្លាំងណាស់ ដូចជា ទឹកទន្លេ ឬ សមុទ្រ ជាដើម។ ប៉ុន្តែ ទឹក នៅលើភពផែនដីរបស់យើងខ្លះ អាចបង្កឲ្យមានគ្រោះថ្នាក់ នឹកស្មានមិនដល់។

ខាងក្រោមនេះគឺជារណ្ដៅទឹក និងបឹងមរណៈទាំង ១០ គ្រោះថ្នាក់បំផុតលើពិភពលោក៖

#១០ រណ្ដៅទឹក Great Blue Hole នៅប្រទេសបេលី (Belize)

ជំនោរទឹកបានប្រែក្លាយរណ្តៅទឹកមួយនេះ ទៅជាលំហដ៏ធំមួយ ដែលស្រូបយកអ្វីគ្រប់យ៉ាង នៅលើផ្ទៃរបស់វា។

#៩ រណ្តៅទឹក Jacob’s Well នៅរដ្ឋ Texas សហរដ្ឋអាមេរិក

រណ្ដៅធម្មជាតិជម្រៅ ២៦ ម៉ែត្រ ដែលមានទឹកថ្លាឆ្វង់នេះ គឺជាកន្លែងមុជទឹកដ៏គ្រោះថ្នាក់បំផុតមួយនៅលើពិភពលោក។ នៅបាតរណ្ដៅ មានច្រកចូលជាច្រើន ភ្ជាប់ទៅកាន់រូងភ្នំ ដែលមនុស្សជាច្រើន ចូលហើយមិនអាចចេញមកវិញបាន។

#៨ បឹង Lake Michigan នៅសហរដ្ឋអាមេរិក

វាមានឈ្មោះល្បីល្បាញ មិនចាញ់តំបន់ត្រីកោណ Bermuda Triangle ប៉ុន្មានឡើយ ព្រោះវាបង្កឲ្យកើតមានហេតុការណ៍ធ្លាក់យន្តហោះដ៏រន្ធត់ ដោយគ្មានហេតុផលសមរម្យឡើយ។ បឹងនេះពិតជាបង្កគ្រោះថ្នាក់ណាស់ ដោយសារតែការបង្កើតចរន្តទឹកភ្លាមៗ ដ៏ចម្លែករបស់វា។

#៧ បឹង Lake Natron នៅប្រទេសតង់ហ្សានី (Tanzania)

វាជាបឹងទឹកប្រៃបំផុតមួយនៅលើផែនដីនេះ ដែលគ្របដណ្ដប់ទៅដោយសំបកអំបិលពណ៌ក្រហម។ សីតុណ្ហភាពទឹកឡើងដល់ ៥០ អង្សាសេ នៅកន្លែងខ្លះ ដែលគ្រប់គ្រាន់អាចឆក់យកជីវិតមនុស្សបាន។

#៦ រណ្ដៅទឹក Blue Hole នៅទីក្រុង Dahab ប្រទេសអេហ្ស៊ីប

វាប្រហែលជាកន្លែងគ្រោះថ្នាក់បំផុតនៅលើពិភពលោក សម្រាប់ការជ្រមុជទឹក ដោយសារតែអ្នកមុជទឹកជាច្រើនបានស្លាប់ នៅក្នុងរណ្ដៅទឹកជម្រៅ ១២០ ម៉ែត្រនោះ។

#៥ បឹង Horseshoe Lake នៅសហរដ្ឋអាមេរិក

កាបូនឌីអុកស៊ីត ដែលបញ្ចេញពីជញ្ជាំងនៅបាតបឹងមួយនេះ គឺមានគ្រោះថ្នាក់បំផុតដល់អ្វីៗទាំងអស់។ បឹងខាងលើនេះធ្លាប់បង្កឲ្យមនុស្ស ចំនួន ៤ នាក់ស្លាប់ និងងាប់ដើមឈើដែលដុះ នៅជុំវិញវា ១០០ ហិតា ទៀតផង។

#៤ បឹង Boiling Lake នៅប្រទេសដូមីនីកា (Dominica)

បឹងទឹកពុះនេះអាចកើនកម្ដៅរហូតដល់ទៅ ៩២ អង្សាសេ ដោយសារតែខ្យល់ក្ដៅពីក្រោមដី។

#៣ ទន្លេ Rio Tinto នៅប្រទេសព័រទុយហ្គាល់-អេស្ប៉ាញ

ការជីកហ្វូស៊ីល ដែលត្រូវបានធ្វើឡើងនៅក្បាលទន្លេ អស់រយៈពេលជាង ៣ ០០០ ឆ្នាំ បាននាំឲ្យវាជ្រួតជ្រាបជាមួយនឹង ស្ពាន់ ដែក និង លោហៈធ្ងន់ៗជាច្រើន។ មិនតែប៉ុណ្ណោះ ទន្លេខាងលើថែមទាំងមានបាក់តេរី ដែលរួមបញ្ចូលគ្នាជាមួយលោហធាតុ ធ្វើឲ្យទឹកប្រែទៅជាពណ៌ក្រហមភ្លឺទៀតផង។

#២ សមុទ្រទឹកកក Drake Passage

ផ្ទាំងទឹកកកជាច្រើន បូករួមទាំងល្បឿនខ្យល់រហូតដល់ទៅ ១៣០ គីឡូម៉ែត្រក្នុងមួយម៉ោង ហើយមានចរន្តទឹកហូរខ្លាំង និង ភាពស្រអាប់ គឺជាផ្នែកមួយនៃឧបសគ្គ ដែលនាវាជាច្រើនត្រូវឆ្លងកាត់សមុទ្រទឹកកកខាងលើ។

#១ បឹង Lake Kivu