ជំទាវទីមួយបារាំង លេងឈុតសម្លៀកបំពាក់ មិនចាញ់ជំទាវទីមួយអាមេរិក
- 2017-07-16 03:19:08
- ចំនួនមតិ 0 | ចំនួនចែករំលែក 0
ជំទាវទីមួយបារាំង លេងឈុតសម្លៀកបំពាក់ មិនចាញ់ជំទាវទីមួយអាមេរិក
ចន្លោះមិនឃើញ
លោកស្រីបានទទួលស្វាគមន៍ជំទាវទីមួយអាមេរិកមកកាន់ទឹកដីខ្លួនជាលើកដំបូង ដូច្នេះ គ្មានអ្វីភ្ញាក់ផ្អើលទេ ដែលលោកស្រី ព្រីជីទី ម៉ាក្រុង ត្រៀមឈុតសម្លៀកបំពាក់ស្អាតៗទាន់សម័យសម្រាប់ទស្សនកិច្ចនៅទិវាជាតិបារាំងរបស់គ្រួសារត្រាំ នៅទីក្រុងប៉ារីស។
តាំងពីពួកគេបានមកដល់បារាំងកាលពីថ្ងៃព្រហស្បតិ៍ ទី១៣ កក្កដាមក ភរិយារបស់ប្រធានាធិបតីបារាំងអាយុ ៦៤ ឆ្នាំរូបនេះ បានស្លៀកពាក់ឈុតឡូយឆាយបែបយុវវ័យមើលទៅក្មេងជាងវ័យ ជាមួយឈុតរ៉ូបស លក្ខណៈគិលានុបដ្ឋាយិកា។
ទន្ទឹមនេះ លោកស្រីមេឡានៀ ត្រាំ អាយុ ៤៧ ឆ្នាំ បានជ្រើសរើសស្លៀកពាក់ឈុតឡូយឆាយដូចគ្នាប៉ុន្តែបែបអភិរក្សបន្តិច ដោយមានសំពត់ត្រឹមក្បាលជង្គង់ និង អាវក្រៅដៃវែង។
អ្នកសរសេរអត្ថបទបង្ហោះតាមប្លុកលើអនឡាញអំពីស្ទីលសម្លៀកបំពាក់របស់អ្នកនយោបាយ លោកស្រី ឡួរ៉ា ដាន់ បានប្រាប់ទស្សនាវដ្តី FEMAIL ថា "ដោយសារនេះជាទស្សនកិច្ចលើកទីមួយរបស់ប្រធានាធិបតីត្រាំមកប្រទេសបារាំង ខ្ញុំគិតថា យើងតែងតែឃើញជំទាវទីមួយស្លៀកពាក់ស្អាតៗដើម្បីបង្ហាញភាពទាក់ទាញ ហើយលោកស្រីពិតជាធ្វើដូច្នេះមែន"។ លោកស្រី ដាន់បន្តថា "ស្ត្រីទាំងពីរ (ជំទាវទាំងពីរ) មានស្ទីលសម្លៀកបំពាក់ផ្សេងគ្នាស្រឡះ ប៉ុន្តែខ្ញុំគិតថា យើងឃើញលោកស្រីមេឡានៀ និង លោកស្រីម៉ាក្រុង ជ្រើសយកពណ៌ក្រហម ស និងខៀវ នៃទង់ជាតិបារាំង ចេញពីមនាសិការពិតៗ"។
សម្រាប់ពិធីបុណ្យដង្ហែក្បួនយោធា (Bastille Day) នៅលើមហាវិថីសាំអេលីសេ លោកស្រីត្រាំបានជ្រើសរើសឈុតស ជាមួយសាច់ក្រណាត់មានផ្កាពណ៌ខៀវ ក្រហម និងផ្កាឈូក ចំណែកឯជំទាវទីមួយបារាំងស្លៀកពាក់ឈុតខៀវរបៀបជាឯកសណ្ឋានកងទ័ពជើងទឹក។
សម្រាប់ពីធីពិសាអាហារកាលពីយប់ថ្ងៃព្រហស្បតិ៍នៅភោជនីយដ្ឋានផ្កាយប្រាំ Le Jules Verne ដែលស្ថិតនៅជាន់ទីពីរនៃទួលអេហ្វ៊ែល លោកស្រីមេឡានៀអាវសឥតដៃ និង សំពត់ខៀវ ដោយមានខ្សែក្រវាត់ក្រហមនៅជុំវិញចង្កេះ។
លោកស្រីព្រីជីទីមើលទៅក៏ស្រស់ស្អាតមិនចាញ់លោកស្រីមេឡានីនោះដែរ ដោយគាត់បានជ្រើសឈុតក្បាច់ផ្កាខ្មៅលាយស ដៃខ្លី និងស្រោមបារលើបរលោង៕
ប្រភព៖ rasmeinews