បាងកក ជាទីក្រុងមានអ្នកលេង Facebook ច្រើនជាងគេលើលោក

2017-07-16 07:14:17
ចំនួនមតិ 0 | ចំនួនចែករំលែក 0

ចន្លោះមិនឃើញ

Facebook បានបញ្ចេញរបាយការណ៍ថ្មីចុងក្រោយមួយបង្ហាញពីស្ថិតិមួយចំនួនពីអ្នកប្រើបណ្ដាញសង្គមនេះនៅលើពិភពលោក។

របាយការណ៍ដែលគិតត្រឹមខែកក្កដាបង្ហាញថាប្រទេសដែលមានចំនួនអ្នកប្រើប្រាស់ Facebook គឺប្រទេសឥណ្ឌាដែលមានសរុប ២៤១ លាននាក់ តាមពីក្រោយដោយសហរដ្ឋអាមេរិកមានចំនួនអ្នកប្រើ ២៤០ លាននាក់។ នៅរយៈពេល ៦ ខែកន្លងទៅនេះអ្នកប្រើ Facebook សរុបនៅប្រទេសឥណ្ឌាកើនឡើង ២៧% (៥០ លាននាក់) ចំណែកឯអាមេរិកកើនឡើង ១២% (២៦ លាននាក់)។ ហេតុនេះធ្វើឲ្យសហរដ្ឋអាមេរិកធ្លាក់មកនៅលេខ ២ ចំណែកឥណ្ឌាចេញពីតំណែងលេខ ២ ទៅគ្រងតំណែងលេខ ១ វិញម្ដង។

បើក្រឡេកមើលទិន្នន័យប្រចាំទីក្រុងវិញឃើញថាទីក្រុងបាងកកស្ថិតនៅលំដាប់កំពូលដោយមានអ្នកប្រើសរុប ៣៥ លាននាក់ឯណោះ ស្របពេលដែលប្រជាជនសរុបប្រចាំទីក្រុងនេះមានមិនដល់ ១០ លាននាក់ផង។ នេះមានន័យថាអ្នកប្រើប្រាស់ម្នាក់អាចមានគណនីលើសពី ១។ ចំណែកលំដាប់ទីពីរគឺទីក្រុងហ្សាកាតាប្រទេសឥណ្ឌូណេស៊ីដែលមានអ្នកប្រើប្រាស់សរុប ២៦ លាននាក់។ ក្នុងនោះក៏ឃើញវត្តមានទីក្រុងហូជីមិញនៅលំដាប់ថ្នាក់ទី ១០ ជាមួយអ្នកប្រើប្រាស់សរុប ១៤ លាននាក់ផងដែរ។