ឃួន ឡាបូរ៉ាវី៖ ចាញ់យប់មិញកម្រិតកីឡាករកម្ពុជាមិនទាន់ដល់គេទេ

2017-07-17 07:30:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធរបស់ Cambodia All Stars ឃួន ឡាបូរ៉ាវី ថាក្រុមកម្ពុជាចាញ់យប់មិញនេះ ព្រោះកម្រិតសមត្ថភាពនៅមិនទាន់ដល់ក្រុមភ្ញៀវ SCG Muangthong United ទេ ពួកគេមានបច្ចេកទេសខ្ពស់និងរួមផ្សំកីឡាករបរទេសល្អច្រើនទៀតផង។

ខ្សែប្រយុទ្ធ ឃួន ឡាបូរ៉ាវី

ខ្សែប្រយុទ្ធមកពីក្រុមបឹងកេត ឃួន ឡាបូរ៉ាវី បានឲ្យដឹងក្រោយការប្រកួតថា ក្រុមភ្ញៀវ SCG Muangthong United ពួកគេជាក្រុមខ្លាំងមួយរបស់ថៃ ហើយក្រុមនេះកម្រិតរបស់គេលេងក្នុងពានរង្វាន់ AFC Champions League ទៀតផង។ សម្រាប់ការប្រកួតលើកនេះខុសពីឆ្នាំមុនខ្លាំង បើទោះជាពួកគេមិននាំកីឡាករមកច្រើនក្ដី តែគេមានកីឡាករបរទេស៥រូបដែលលេងនេះគឺល្អខ្លាំង ហើយតាមការសម្គាល់និងចាប់អារម្មណ៍ជាងគេគឺកីឡាករលេខ៧តែម្ដង ទាំងការអូសបាល់ និងចែកបាល់ឲ្យដៃគូពិតជាល្អ។

Cambodia All Stars

SCG Muangthong United

កីឡាករជើងចាស់រូបនេះបន្តថា ការប្រមូលផ្ដុំហ្វឹកហាត់ខាងកម្ពុជានេះក៏មានរយៈពេលតិចពេក ដូចនេះជាហេតុលេងទៅមិនសូវយល់ចិត្តគ្នា ប៉ុន្តែនៅពេលដែលដាក់យុវជនក្រោយនេះហាក់លេងល្អនិងយល់ចិត្តគ្នាឡើងវិញ ព្រោះពួកគេបានហ្វឹកហាត់ជាមួយគ្នារយៈពេលយូរ។