អង្គស្នួលឈ្នះ ច្បារអំពៅ ៣-១ ខណៈ បឹងត្របែក ស្មើ ពារាំង ពាន Acleda Cup
- 2017-07-17 07:38:33
- ចំនួនមតិ 0 | ចំនួនចែករំលែក 0
អង្គស្នួលឈ្នះ ច្បារអំពៅ ៣-១ ខណៈ បឹងត្របែក ស្មើ ពារាំង ពាន Acleda Cup
ចន្លោះមិនឃើញ
ក្រុមបាល់ទាត់ សាខាស្រុកអង្គស្នួល យកឈ្នះក្រុម សាខាច្បារអំពៅ ៣-១ ខណៈក្រុម សាខា បឹងត្របែក ស្មើគ្នា ១-១ ជាមួយក្រុម សាខា ស្រុកពារាំង ឃុំរកា ក្នុងការប្រកួតសន្សំពិន្ទុពាន Acleda Cup 2017 នៅទីលានវេស្ទើនកាលពីថ្ងៃសៅរ៍ ទី១៥ ខែកក្កដា ឆ្នាំ២០១៧។
ក្រុមបាល់ទាត់ ស្រុកអង្គស្នួល និងក្រុម ច្បារអំពៅស្ថិតនៅពូល B ។ ៣គ្រាប់របស់អង្គស្នួលរកបានដោយ ឈាន បូរ៉ា ម៉េង សុវិចិត្រ និង យ៉េន ភារម្យ ខណៈ មួយគ្រាប់របស់ ច្បារអំពៅ រកបានដោយកីឡាករ យន់ វណ្ណា។ ៥ប្រកួតរបស់ អង្គស្នួលឈ្នះ៣ចាញ់២ ស្របពេល ៥ប្រកួតរបស់ ច្បារអំពៅ ស្មើ ១ និងចាញ់ ៤ប្រកួត។
មួយគូទៀតគឺក្រុម បឹងត្របែក និងក្រុម ស្រុកពារាំងឃុំ រកា ស្ថិតនៅពូល A ។ មួយគ្រាប់របស់ បឹងត្របែករកបានដោយកីឡាករ ហាត់ បូរី ស្របពេល ១គ្រាប់របស់ ពារាំងរកបានដោយកីឡាករ អ៊ុន មន្និត ។ ៥ប្រកួតរបស់ បឹងត្របែក ឈ្នះ១ ស្មើ ៣ ចាញ់ ១ ខណៈ ៥ប្រកួតរបស់ក្រុម ពារាំងឃុំរកា ឈ្នះ១ ស្មើ ១ និងចាញ់៣។
ពានរង្វាន់ Acleda Cup 2017 មានក្រុមចូលរួមចំនួន ៦៧ក្រុម ត្រូវបានបែងចែកជា ៨ពូលក្រុមដែលមានពិន្ទុលើគេនៅតាមពូលនីមួយចំនួនពីរក្រុម នឹងបានឡើងទៅលេងវគ្គបន្ទាប់៕