មជ្ឈមណ្ឌលចែកចាយផលិតផលសុទ្ធធានាសុវតិ្ថភាពស្តង់ដារអន្តរជាតិ នឹងបើកនៅខ្មែរឆាប់ៗ
- 2017-07-17 07:53:31
- ចំនួនមតិ 0 | ចំនួនចែករំលែក 0
មជ្ឈមណ្ឌលចែកចាយផលិតផលសុទ្ធធានាសុវតិ្ថភាពស្តង់ដារអន្តរជាតិ នឹងបើកនៅខ្មែរឆាប់ៗ
ចន្លោះមិនឃើញ
ម៉ាក្រូ ដែលជាមជ្ឈមណ្ឌលចែកចាយផលិតផលបែបបោះដុំក្នុងប្រព័ន្ធសមាជិកមកពីប្រទេសថៃ នឹងបើកដំណើរការសាខាដំបូងរបស់ខ្លួននៅរាជធានីភ្នំពេញនាខែធ្នូចុងឆ្នាំនេះ។
មជ្ឈមណ្ឌលចែកចាយនេះ នឹងមានផ្តល់ជូនផលិតផលជាច្រើនប្រភេទ ព្រមទាំងច្រើនជម្រើសពីអ្នកផ្គត់ផ្គង់ក្នុងស្រុក និងអន្តរជាតិ មិនតែប៉ុណ្ណោះក្នុងឱកាសរៀបចំកិច្ចជំនួបប្រជុំជាមួយអ្នកផ្គត់ផ្គង់ជាលើកដំបូងក្នុងសាលប្រជុំធំរបស់សណ្ឋាគារភ្នំពេញ ម៉ាក្រូ បានឆ្លៀតឱកាស កសាងទំនុកចិត្តខ្ពស់ដល់អ្នកផ្គត់ផ្គង់ទាំងក្នុងស្រុកនិងក្រៅស្រុក ក៏ដូចជាពង្រឹងទំនាក់ទំនងក្នុងភាពជាដៃគូឲ្យកាន់តែមាននិរន្តរភាពផងដែរតាមរយៈសន្និសីទនេះផងដែរ។
ស្ថិតក្នុងទំហំផ្ទៃដី៥ហិកតា មាន១ ម៉ឺនម៉ែត្រការ៉េ ម៉ាក្រូ គឺជាទីតាំងសំខាន់សម្រាប់លក់ទំនិញបំពាក់ដោយម៉ាស៊ីនត្រជាក់ និងសម្រាប់ចំណតយានយន្តជាង៥០០គ្រឿង និងផ្តល់ជូននូវផលិតផលប្រកបដោយគុណភាពខ្ពស់ និង មានការរៀបចំដាក់តាំងទៅតាមប្រភេទផលិតផលដើម្បីងាយស្រួលក្នុងការស្វែងរក។
គ្រប់ផលិតផលសុទ្ធតែមានការធានាសុវតិ្ថភាព ដោយប្រទេសថៃ និង ស្តង់ដារអន្តរជាតិ ក្នុងតម្លៃដែលអតិថិជនអាចទទួលបានផលចំណេញពេលយកទៅលក់បន្ត និង អាចឲ្យពួកគាត់គ្រប់គ្រងលំហូរសាច់ប្រាក់ក្នុងអាជីវកម្មប្រកបដោយការរីកចម្រើននិងមាននិរន្តរភាព។
តំណាងម៉ាក្រូ លោក ណុបផាឆៃ មីតាម អគ្គនាយកក្រុមហ៊ុន ម៉ាក្រូ (កម្ពុជា) បានមានប្រសាសន៏ថា៖ "សន្និសីទនេះ គឺជាឱកាសមួយដែលអាចឲ្យយើងបានចែករំលែកគោលបំណងរបស់យើងជាមួយនឹងអ្នកផ្គត់ផ្គង់របស់យើង និងជាឱកាសបង្កើនការយល់ដឹងពីតម្រូវការរបស់យើងឲ្យកាន់តែច្បាស់ ដើម្បីឆ្ពោះទៅរកការប្រកួតប្រជែងកាន់តែខ្លាំង ស្របតាមគោលបំណងបង្កើតទំនាក់ទំនងយូរអង្វែងជាមួយអ្នកផ្គត់ផ្គង់ ដោយផ្អែកលើការបង្កើត និង តម្លៃរួមគ្នា។ មិនតែប៉ុណ្ណោះថែមធានាដល់ការប្រកួតប្រជែងប្រកបដោយប្រសិទ្ធិភាព ម៉ាក្រូបានសម្រិតសម្រាំងរាប់ចាប់ពីគ្រឿងផ្សំ ឫវត្ថុធាតុដើមរហូតដល់ផលិតផលសម្រេច។”
មិនតែប៉ុណ្ណោះទំនាក់ទំនងរបស់ ម៉ាក្រូ ជាមួយអ្នកផ្គត់ផ្គង់គឺលើសពីអ្នកលក់និង អ្នកទិញ បានន័យថាធ្វើការរួមគ្នារាប់ចាប់ពី ការវិភាគតម្រូវការរបស់អតិថិជន ការអភិវឌ្ឍផលិតផល ការគ្រប់គ្រងគុណភាព រហូតដល់ការធ្វើទីផ្សារនិងការផ្សព្វផ្សាយ។ សន្និសីទខាងលើគឺជាវេទិកាស្វែងយល់គ្នាទៅវិញទៅមក ដើម្បីឆ្ពោះទៅរកការសហការកាន់តែល្អទ្វេរឡើង និង ប្រកបដោយផលប្រយោជន៍រួមយូរអង្វែង៕
ព័ត៌មានលំអិតសូមទស្សនាលើទំព័រហ្វេសបុកផ្លូវការរបស់ម៉ាក្រូ(កម្ពុជា) Makro Cambodia