រឿងរ៉ាវគួរឲ្យចាប់អារម្មណ៍ ទាំង១៥ ពីទីក្រុងឌូបៃ មនុស្សភាគច្រើន មិនធ្លាប់ដឹង

2017-07-19 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឌូបៃ គឺជារដ្ឋធានីមួយ ក្នុងចំណោមរដ្ឋទាំង ៧ របស់ប្រទេសអារ៉ាប់រួម (United Arab Emirates)។ វាត្រូវបានគេស្គាល់ថាជា ទីក្រុងដែលពោរពេញទៅដោយភាពឆើតឆាយ សម្បូរបែប និងរីករាយ ព្រមទាំងជាទីក្រុងដែលមានសេដ្ឋកិច្ចល្អបំផុតមួយ នៅសតវត្សទី២១ នេះទៀតផង។

ខាងក្រោមនេះគឺជារឿងរ៉ាវគួរឲ្យចាប់អារម្មណ៍ ទាំង ១៥ ពីទីក្រុងឌូបៃ ដែលមនុស្សភាគច្រើន មិនធ្លាប់បានដឹងពីមុនមក៖

#១ ឌូបៃ ផលិតប្រេង ស្មើនឹងទំហំអាងហែលទឹកអូឡាំពិក ចំនួន ៤,៥ ក្នុងមួយថ្ងៃ

#២ ៣៩ ភាគរយ នៃអគារ Burj Al Arab ទំនេរចោល

សណ្ឋាគារលំដាប់ផ្កាយ ៧ និងជាសណ្ឋាគារខ្ពស់បំផុតលំដាប់ទី ៤ នៅលើពិភពលោក អគារ Burj Al Arab មានកន្លែងទំនេរចោល ចំនួន ៣៩ ភាគរយ ដែលមិនអាចនៅបាន។ វាដោយសារតែ ពួកគេមិនខ្វល់ពីការផ្ទុកមនុស្សច្រើន នៅក្នុងអគារតែមួយឡើយ ប៉ុន្តែពួកគេបានផ្ដោតលើស្ថាបត្យកម្មវិញ។

#៣ ឌូបៃ មានសួនកម្សាន្តផ្ទាល់ខ្លួន ឈ្មោះថា Dubailand

បន្ទាប់ពីក្រុមហ៊ុន Disney បដិសេធមិនព្រមសាងសង់ សួនកម្សាន្ត Disneyland នៅក្នុងទីក្រុងឌូបៃ ពួកគេបានសម្រេចចិត្តសាងសង់ សួនកម្សាន្ត Dubailand ដែលមានទំហំធំជាង សួនកម្សាន្ត Disneyland ២ ដងឯណោះ។ វាត្រូវចំណាយអស់ប្រហែល ៦៤,៣ ពាន់លានដុល្លារ ក្នុងការសាងសង់។

#៤ បរិមាណមាសជួញដូរនៅទីក្រុងឌូបៃ ក្នុងឆ្នាំ ២០១៣ មានចំនួន ៤០ ភាគរយ

មាសចំនួន ៤០ ភាគរយ ដែលត្រូវបានជួញដូរ នៅលើពិភពលោក ក្នុងឆ្នាំ ២០១៣ បានធ្វើឡើងនៅទីក្រុងឌូបៃ ហើយវាមានទម្ងន់ប្រមាណជា ២ ២៥០ តោន ឬស្មើនឹងសត្វដំរី ៣៥៤ ក្បាល។

#៥ អគារ Burj Khalifa អាចមើលឃើញពីចម្ងាយ ៩៥ គីឡូម៉ែត្រ

#៦ ឌូបៃ ត្រូវបានគេចាត់ទុកថាជាទីក្រុង ដែលមានសុវត្ថិភាពបំផុតមួយ នៅលើពិភពលោក

ជាមួយនឹងអត្រាបទឧក្រិដ្ឋកម្ម ស្ទើរតែស្មើសូន្យភាគរយ ឌូបៃ ត្រូវបានគេចាត់ទុកថាជា ទីក្រុងដែលមានសុវត្ថិភាពបំផុតមួយ នៅលើពិភពលោក ដោយសារតែ ច្បាប់តឹងតែង ហើយប្រជាជនមានសីលធម៌ខ្ពស់។

#៧ ពន្ធលើប្រាក់ចំណូល នៅឌូបៃ គឺ សូន្យភាគរយ

#៨ ការស្ទូចចំនួន ២០ ភាគរយនៅលើពិភពលោក ធ្វើឡើងនៅទីក្រុងឌូបៃ

#៩ ផ្សារ Dubai Mall មានកន្លែងជិះស្គីទឹកកក នៅខាងក្នុងនោះ

ផ្សារ Dubai Mall មានឧទ្យានទឹកកកខាងក្នុង ធំជាងគេបំផុតនៅលើពិភពលោក ជាមួយនឹងផ្ទៃក្រឡា ៣ ០០០ ម៉ែត្រការ៉េ និង កន្លែងជិះស្គីទឹកកកដ៏អស្ចារ្យមួយផងដែរ។

#១០ Dubai Mall គឺជាផ្សារទំនើបធំបំផុតនៅលើពិភពលោក

Dubai Mall គឺជាគោលដៅដ៏ល្អឥតខ្ចោះ សម្រាប់អ្នកចូលចិត្តដើរទិញឥវ៉ាន់ ដោយសារតែអ្នកអាចរកអ្វីគ្រប់ នៅក្រោមដំបូលតែមួយ ជាមួយនឹងហាងចំនួន ១ ២០០។

#១១ ស្ថានីយរថភ្លើងក្រោមដី ត្រូវបានសាងសង់ឡើង ក្នុងរយៈពេលត្រឹមតែ ១៨ ខែ

ស្ថានីយរថភ្លើងក្រោមដី នៅក្នុងទីក្រុងឌូបៃ បានបើកដំណើរការនៅឆ្នាំ ២០០៩ ដោយមាន ៤២ ស្ថានីយ ហើយត្រូវបានសាងសង់ឡើង ក្នុងរយៈពេលត្រឹមតែ ១៨ ខែប៉ុណ្ណោះ។

#១២ ឌូបៃ មានអត្រាកំណើនប្រជាជនខ្ពស់បំផុត

នៅក្នុងឆ្នាំ ១៩៧៥ ប្រជាជនទីក្រុងឌូបៃ មានចំនួនប្រហែល ១៨៣ ០០០ នាក់ប៉ុណ្ណោះ ប៉ុន្តែសព្វថ្ងៃ វាបានកើនឡើងរហូតដល់ទៅ ១,៦៧ លាននាក់។

#១៣ ឌូបៃ មានកន្លែងកប់ខ្មោចរថយន្តប្រណីត

រថយន្តប្រណីតជាច្រើន ត្រូវបានគេបោះបង់ចោល នៅទូទាំងទីក្រុងឌូបៃ ដោយសារតែវិបត្តិហិរញ្ញវត្ថុ ព្រោះការពិតរថយន្តភាគច្រើន ត្រូវបានទិញនៅពេលសេដ្ឋកិច្ចផ្ទុះឡើង។

#១៤ Palm Jumeirah គឺជាកោះសិប្បនិម្មិតធំបំផុតលើពិភពលោក

Palm Jumeirah អាចមើលឃើញពីលំហអាកាស។ វាមានប្រវែង ៥,៤ គីឡូម៉ែត្រ ហើយថែមទាំងមានសណ្ឋាគារ ចំនួន ២៨ នៅលើនោះទៀតផង។

#១៥ Princess Tower គឺជាអគារស្នាក់នៅខ្ពស់បំផុតលើពិភពលោក

វាមាន ១០១ ជាន់ និងកម្ពស់ ៤១៤ ម៉ែត្រ។ វាត្រូវបានគេចាត់ទុកថាជា អគារស្នាក់នៅខ្ពស់បំផុតលើពិភពលោក និង ខ្ពស់បំផុតលំដាប់ទី ២ នៅទីក្រុងឌូបៃ បន្ទាប់ពីអគារ Burj Khalifa៕

សូមទស្សនាវីដេអូខាងក្រោម៖